წელი: 2022

დღესაც კი ზოგ ოჯახში არ არის სარეცხი მანქანა, რაც შეიძლება არა მხოლოდ მისი სიძვირით, არამედ ბინაში ადგილის უკმარისობით აიხსნას. ძველ მცირეგაბარიტიან ბინებში არ გაუთვალისწინებიათ ადგილი სარეცხი მანქანის დასაყენებლად. დღეს კი სარეცხი მანქანის ქონა დიდ როლს თამაშობს სისუფთავის და მოწესრიგებულობის დაცვისთვის.

ავტომატური სარეცხი მანქანების სახეობები.

სარეცხი მანქანები იყოფიან ფრონტალური და ვერტიკალური ჩატვირთვის მოდელებზე. თითოეულ მათგანს თავისი დადებითი და უარყოფითი მხარეები გააჩნია. ასევე განსხვავდებიან ცალკე დასადგამი და ჩასაშენებელი სარეცხი მანქანები. დასადგამ მოდელებს ხშირად სააბაზანოში აყენებენ, უფრო იშვიათად – სამზარეულოში, ისინი ჩასაშენებელ მოდელებზე ოდნავ იაფი ღირს. თუ სააბაზანო ან სამზარეულო ოთახის ინტერიერის დიზაინის შენარჩუნება გსურთ, მაშინ ეს უკანასკნელნი მოძებნეთ. ასეთი სარეცხი მანქანის წინა მხარე ავეჯის კარით შეგიძლიათ დამალოთ.

ცალკე დასადგომები არიან ფრონტალური და ვერტიკალური ჩატვირთვით, ხოლო ჩასაშენებელი – მხოლოდ ფრონტალურით. სარეცხი მანქანები ფრონტალური ჩატვირთვით ბაზარზე ყველაზე მეტია. შეიძლება ითქვას, რომ ბევრმა ადამიანმა სხვა სახეობის შესახებ არც კი იცის. მათი უპირატესობა აშკარაა: მანქანის ჩაშენებაა შესაძლებელი ან ახალ ბინაში მისთვის განკუთვნილი ადგილის დაგეგმვა, ანდაც მისი ზედა ნაწილის თაროსავით გამოყენება. ასეთი სარეცხი მანქანების ტევადობა 7-9 კილოგრამს აღწევს, რაც მნიშვნელოვანია დიდი ოჯახისთვის.თუმცა მათ ასევე უარყოფითი თვისებები გააჩნიათ. პირველ რიგში დიდი გაბარიტები. თუ სარეცხი მანქანა ვერტიკალური ჩატვირთვით სააბაზანოს ვიწრო კუთხეში ეტევა, ფრონტალური ჩატვირთვის მანქანა ამის საშუალებას არ მოგცემთ. რა თქმა უნდა არსებობს უფრო კომპაქტური მოდელებიც, მაგრამ ისინი ნაკლებად პრაქტიკულები არიან. ვერტიკალური ჩატვირთვის მანქანების მთავარი უპირატესობა ისაა, რომ ტანსაცმლის ამოღება ან ჩამატება რეცხვის პროცესშია შესაძლებელი. თანაც წელში მოხრა არ მოგიწევთ.
რაც შეეხება ვერტიკალური ჩატვირთვის სარეცხი მანქანების ნაკლს – რეცხვის ხარისხი არც თუ ისეთი კარგია. ამასთან ერთად ჩასატვირთი ტანსაცმლის მოცულობა ოდნავ პატარაა ფრონტალური ჩატვირთვის მანქანებთან შედარებით: ისინი 5-6 კილოგრამზეა გათვლილი, როდესაც ფრონტალურებში 10 კილოგრამიც კი ეტევა.

სარეცხი მანქანების ზომები

ზომა – ეს ალბათ ძირითადი მონაცემია, რომლის მიხედვითაც სარეცხ მანქანებს არჩევენ. ეს გასაგებიც არის – პატარა ბინაში რთულია დიდი სარეცხი მანქანის მოთავსება. თითქმის ყველა ვერტიკალური ჩატვირთვის მანქანა ერთი ზომისაა. სხვაობა რამოდენიმე სანტიმეტრშია, როგორც წესი მათი სიმაღლე 85-90, ხოლო სიგანე 60 სანტიმეტრს შეადგენს. ვერტიკალურების სიღრმე 40-45 სანტიმეტრს შეადგენს, ფრონტალური სარეცხი მანქანების სიღრმე 30-47 სანტიმეტრს და 60 სანტიმეტრსაც კი აღწევს.
ცალკე ქვეგანყოფილებად შეიძლება დაიყონ შემოკლებული 70 სანტიმეტრის სიმაღლის სარეცხი მანქანები, რომლებიც ნიჟარის ქვემოთ თავსდებიან.

მოცულობა

შეიძლება ითქვას, რომ 4-5კგ მაქსიმალური ჩატვირთვის მოცულობა საკმაოდ ოპტიმალურია, როგორც ოჯახისთვის, ისევე მარტოხელა ადამიანისთვის, უბრალოდ ოჯახს უფრო ხშირად დასჭირდება რეცხვა. თუ ოჯახს კატეგორიულად არ უნდა ხშირად რეცხვა – 10კგ მოცულობის მანქანა იდეალური გამოსავალია.
საერთოდ სარეცხი მანქანის მინიმალური მოცულობაა 1.5კგ – აგარაკისთვის კარგი ვარიანტია.

რეცხვის რეჟიმები და პროგრამები

  ნათელია, რომ ადამიანს უნდა მეტი ჰქონდეს და ამავე დროს ნაკლები გადაიხადოს. ამიტომაც მწარმოებლები უშვებენ ბევრი სხვადასხვა ფუნქციის მქონე სარეცხ მაქნქანებს, რომლებიც სულ მცირედით განსხვავდებიან ერთმანეთისგან, მომხმარებლები კი სიხარულით ყიდულობენ ასეთ დანადგარებს და არც კი ფიქრობენ სჭირდებათ ესა თუ ის ფუნქცია თუ არა.

ბამბის რეცხვის რეჟიმი, ფერადი ტანსაცმლის სხვადასხვა ტემპერატურით რეცხვის რეჟიმი, დელიკატური ტანსაცმლის რეცხვის რეჟიმი, სწრაფი რეცხვა – აი ყველაზე საჭირო პროგრამები. ერთერთი ყველაზე გამოსადეგი ფუნქციაა “ექსპრეს-რეცხვა” – პროგრამა, რომელიც თითქმის სუფთა ტანსაცმლის სწრაფად და ეფექტურად გარეცხვის საშუალებას იძლევა. ეს ძალიან მოსახერხებელია, როდესაც საჭიროა ტანსაცმლის უბრალოდ განახლება (მაგალითად სპორტის შემდეგ).

დანარჩენი რეჟიმები – სპეციფიურია. მაგალითად სპორტული ტანსაცმლის და ფეხსაცმლის გარეცხვა შესამაბისი რეჟიმით გაცილებით შედეგიანია, ვიდრე მათი ხელით გარეცხვა. მაგრამ ჩვეულებრივ რეჟიმში სპორტული ფეხსაცმლის გარეცხვა… ამ შემთხვევაში ან ფეხსაცმლის გადაგდება მოგიწევთ ან სარეცხი მანქანის შეკეთება.

“განახევრებული ჩატვირთვა” შეიძლება გამოყენებულ იქნას, როდესაც გასარეცხი ტანსაცმლის მოცულობა არაა საკმარისი სრული ჩატვირთვისთვის. რეცხვა ხორციელდება უფრო სწრაფად, მცირდება დატვირთვა სარეცხ მანქანაზე. ამ რეჟიმის დროს ხდება წყლის 30% და ელექტროენერგიის 25%-მდე ეკონომია.

თანამედროვე სარეცხ მანქანებს ბალანსის კონტროლის ფუნქციაც გააჩნია. თუ თეთრეული ერთ გორგლად შეიკრა, სარეცხი მანქანა ცდილობს მის დაშლას ბარაბნის სხვა მიმართულებაში დატრიალებით. თუ არაფერი გამოვიდა, მაშინ გაწურვა დაბალ ბრუნებზე წავა ან საერთოდაც არ იქნება. სარეცხი მანქანის სიცოცხლის ვადა იზრდება, ხმაურის და ვიბრაციის დონე კი მცირდება.

კიდევ არსებობს გაჟონვისგან დამცავი ფუნქცია – გაჟონვის შემთხვევაში წყდება წყლის მიწოდება. არასტაბილური ძაბვისგან დაცვის ფუნქციაც ძალიან სასარგებლოა. ზოგი მოდელი აღჭურვილია მოწყობილობით, რომელიც თიშავს სარეცხ მანქანას ძაბვის მოულოდნელი თამაშის დროს. ისინი ასევე იმახსოვრებენ ბოლო რეჟიმს გარკვეული დროით და ენერგომიწოდების აღდგენის შემდეგ აგრძელებენ რეცხვას იმავე ეტაპიდან.



წინასწარი რეცხვა – საწყისი ეტაპია ძალიან ჭუჭყიანი ტანსაცმლის წესრიგში მოსაყვანად. ამ რეჟიმში თეთრეული 2 საათის განმავლობაში 30 °С ტემპერატურის წყალში რჩება და მხოლოდ შემდეგ იწყება ძირითადი პროგრამით რეცხვა.

თუ თქვენ მგრძნობიარე კანი გაქვთ, მაშინ ფუნქცია “დამატებითი გავლება” ნამდვილი შველაა თქვენთვის. გავლების ყოველი ციკლის შემდეგ ირთვება ცენტრიფურა და სარეცხი საშუალების ნარჩენები მთლიანად ქრება.

გადავადებული სტარტი – შესაძლებლობა თვითონ დანიშნოთ პროგრამის დაწყების დრო. ყოველი გავლების შემდეგ მანქანა აწარმოებს წყლისგან დაცლას და სარეცხის გაწურვას, შემდეგ კი გამწოვის საშუალებით ზედმეტი ქაფისგან თავისუფლდება. ესაა ქაფის წარმოქმნის კონტროლი. ასეთი ფუნქცია რეცხვას უსაფრთხოს გახდის და ჰერმეტულობის დარღვევას გამორიცხავს, თუ თქვენ ზედმეტი ან შეუსაბამო სარეცხი საშუალება გამოიყენეთ.

ზოგ მოდელს ჩაშენებული მიკროპროცესორი გააჩნია “ინტელექტუალური” რეცხვისთვის. სარეცხი მანქანა აანალიზებს ქსოვილის სახეობას და დაბინძურების დონეს, წონის თეთრეულს და ამოწმებს აქვს თუ არა მას ლაქები. თქვენ უთითებთ დროს ის კი ოპტიმალურ პარამეტრებს გთავაზობთ, აკონტროლებს რეცხვის პროცესს და მის კორექტირებას ახდენს, თუ ეს აუცილებელია. ყველაფერი მარტივად და ხარისხიანად.

ასევე არსებობს, პრემიუმ-კლასისთვის დამახასიათებელი, ეგზოტიკური პროგრამები. მაგალითად ბალიშების, რბილი სათამაშოების და ჩვეულებრივი სათამაშოების რეცხვის რეჟიმიც კი.

პროგრამების შერჩევის დროს ყურადღება გაამახვილეთ თქვენთვის საჭირო პროგრამებზე და არ იხელმძღვანელოთ პრინციპით “რაც მეტია – მით უკეთესი”.

დოლურის მასალა

ყიდვისას აუცილებლად დაინტერესდით რა მასალისგან არის სასურველი სარეცხი მანქანის ბარაბანი დამზადებული. ის შეიძლება იყოს როგორც ემალირებული, ასევე უჟანგავი ფოლადისგან დამზადებული, ან კომპოზიტური მასალებისგან. ეს უკანასკნელნი გამოირჩევიან ნაკლები ხმაურით, მეტი თბოიზოლაციით და დიდი ხანგამძლეობით. მაგრამ უჟანგავი მასალები უფრო სანდო და გრძელვადიანად ითვლება.

მწარმოებელი ქვეყანა

კომპიუტერული ტექნიკისგან განსხვავებით, სარეცხი მანქანების მწარმოებელი ქვეყანა დიდ როლს თამაშობს. ძირითადი ლოკაციებია: კორეა, ევროპა და თურქეთი. როგორც წესი პროდუქცია სხვადასხვა ქვეყნიდან განსხვავდება სანდოობით და გრძელვადიანობით, ყველაზე ნაკლებად გრძელვადიანი თურქული სარეცხი მანქანებია. ყველაზე ხანგამძლე სარეცხი მანქანები შემდეგი ქვეყნებისაა შესაბამისად: შვედეთი, ავსტრია, გერმანია, იტალია და კორეა. რათქმაუნდა ფასიც შესაბამისად მერყეობს.

ოფციური ფუნქციები

დამატებითი ფუნქციებიდან აღსანიშნავია თხევად-კრისტალური დისპლეი. ის არა მხოლოდ ესთეტიურია, არამედ პრაქტიკულიც – მისი მეშვეობით გაცილებით მარტივია რეცხვის პროცესისთვის თვალის დევნა. მაგრამ გაითვალისწინეთ, რომ ასეთი დისპლეის არსებობა ზრდის სარეცხი მანქანის ფასსაც, მის “პრესტიჟულობას”. ზოგისთვის, თუმცა, შუქდიოდები უფრო მოსახერხებელია.”ბავშვებისგან დაცვა” ბევრ მოდელში გვხვდება. ის გათვლილია იმაზე, რომ ბავშვი ვერ მიხვდება რომ ორი ღილაკის დაჭერაა საჭირო რამის გასაფუჭებლად.რაც შეეხება ხმაურის დონეს სარეცხ მანქანებში – აქ ყველაფერი მარტივადაა. რაც უფრო ნაკლები დეციბელია პასპორტში – მით უკეთესია. არასასურველია 70 დეციბელზე მაღალი ხმაური.

შრობა

შრობის შესახებ შეიძლება ითქვას ასე: ან ყურადღება მიაქციეთ მისი პარამეტრების კლასს სარეცხი მანქანის არჩევისას (“A”კლასი პრაქტიკულად მშრალ თეთრეულს უზრუნველყოფს), ან შეიძინეთ ცალკე საშრობი მანქანა, რომელიც ისეთივე ზომის არის, როგორც თვითონ სარეცხი მანქანა. მისი დადებითი მხარე აშკარაა – ნაკეცების წარმოქმნის თავიდან აცილება: ტანსაცმლის დიდი ნაწილი დაუთოვებასაც კი არ საჭიროებს.
რაც შეეხება პროგრამებს, აქ ყველაფერი თითქმის ისეა, როგორც სარეცხ მანქანებში: შრობა ქსოვილის ტიპის და ტენიანობის გათვალისწინებით. ძვირადღირებულ საშრობ მანქანებს შეუძლიათ ტანსაცმლის “განიავება”, მტვრისგან ან კატების ბეწვისგან გაწმენდა.

ასე რომ, მოდით შევაჯამოთ: თუ თქვენ მცირე ზომის ბინა გაქვთ – ყურადღება უპირველეს ყოვლისა ვიწრო სარეცხ მანქანებს მიაქციეთ, ხოლო თუ თქვენ თავისუფალ ადგილში შეზღუდული არ ხართ – მაშინ (თქვენივე კომფორტისთვის) ლოგიკური იქნება სარეცხი მანქანის და საშრობი მანქანის ყიდვა.

წარმატებულ შეძენას გისურვებთ!

მაცივარი საყოფაცხოვრებო ტექნიკის ერთ-ერთი ყველაზე მნიშვნელოვანი ატრიბუტია და მის გარეშე წარმოუდგენელი თანამედროვე ადამიანის ყოფა. მაცივრების ბაზარი უამრავი მწარმოებლით არის გაჯერებული, რომლებიც თავის მხრივ ტექნიკის უდიდესი ასორტიმენტით არიან წარმოდგენილნი.

განსხვავებული დიზაინი, ფუნქციები და მახასიათებლები, რომელიც ამ ბრენდებს აქვს შესაძლოა დამაბნეველი იყოს თუ ზოგადი წარმოდგენა მაინც არ გაქვთ მწარმოებლის პროდუქციის დადებითსა და უარყოფით მხარეებზე.

ონლაინ მაღაზია Naturel.ge-ში მაცივრების ფართო არჩევანია. ამ მიმოხილვაში ყველა იმ ბრენდის მოკლე პრევიუ გვინდა შემოგთავაზოთ, რომლებიც ჩვენთან შეგიძლიათ შეიძინოთ.

SAMSUNG		TOSHIBA	LG	ISM
HITACHI			BOSCH	MOBICOOL
	HOTPOINT-ARISTON

beko  – თურქული ფირმა Arçelik-ის ასორტიმენტში 1960 წლიდან გამოჩნდა. დღესდღეობით ევროპასა და ამერიკაში BEKO ბაზრის 14%-ს ფლობს. ასეთი პოპულარობა არცაა გასაკვირი, რამდენადაც თურქული კომპანიის წარმოებული მაცივრები თანამედროვე ტექნოლოგიების გამოყენებით მზადდებიან და მომხიბლავი და ფუნქციური დიზაინით გამოირჩევიან.

თურქული კომპანიის ერთ-ერთი მთავარი ღირსება ის არის, რომ მისი კომპაქტური, ერთკამერიანი და ორკამერიანი მაცივრების მოდელების ფართო ასორტიმენტის ყიდვა ხელმისაწვდომ ფასებში შეიძლება.

გამოყენების სიმარტივითა და მოხერხებულობით BEKO-ს მაცივრები უფრო ძვირადღირებულ ანალოგებს არაფრით ჩამოუვარდებიან და სხვადასხვა მოდელების მიხედვით, მრავალფუნქციური მახასიათებლებით არიან აღჭურვილი.

SAMSUNG- ახალი ტექნოლოგიები და ნოვატორული გადაწყვეტილებები, თანამედროვე დიზაინი და სამეცნიერო სიახლეები – ეს ის არის, რაც SAMSUNG-ის მაცივრებს ყველასაგან გამორჩეულს ხდის.

SAMSUNG-მა მსოფლიოში პირველმა აღჭურვა თავისი მაცივრები სენსორულ-პლაზმური დისპლეითა და Wi-Fi მოდულით, რაც ინტერნეტში სხვადსხვა საჭმლის რეცეპტის მოძიების, სურათების დათვალიერების ან ოჯახის წევრებისთვის შეტყობინებების დატოვების შესაძლებლობას გაძლევთ.

თანამედროვე ტექნოლოგიები ჰარმონიულად ერწყმის მაცივრის მთავარ ფუნქციას – რაც შეიძლება დიდხანს და უვნებლად შეინახოს პროდუქტები. ორი კამერის (ზედა და ქვედა) მეშვეობით ადგილის ეკონომია აღარ დაგჭირდებათ. სპეციალურად ბოთლებისთვის განკუთვნილი სათავსოები მათი კომპაქტური განლაგების შესაძლებლობას იძლევა და სასმელს ოპტიმალურ ტემპერატურაზე ინახავს. SAMSUNG-ის მაცივრები არამარტო გაალამაზებენ სამზარეულოს, არამედ თქვენი ინტერიერის განუყოფელ ნაწილად გადაიქცევიან.

HITACHI – ეს დიზაინისადმი გონივრული მიდგომა, ერგონომიულობა და ფუნქციურობის ერთობლიობაა. მხოლოდ იაპონიას, ქვეყნას, რომელშიც ყველაზე მეტად რაციონალური მიდგომები ფასობს და მუდმივი სწრაფვაა ცხოვრების ყველა სფეროში ინოვაციების დანერგვისაკენ, შეუძლია მსგავსი კომფორტული სამომხმარებლო ტექნიკა შემოგვთავაზოს.

HITACHI როგორც ორკარიან, ისე ოთხკარიან მაცივრებს უშვებს. ყველა მოდელი შიდა ფართის მოსახერხებლობით და დიდი თავსებადობით გამოირჩევა. ეს შესაძლებლობას იძლევა, რომ არამარტო სახლისთვის, არამედ რესტორნებისთვისა და კაფე-ბარებისთვისაც გამოვიყენოთ იაპონელი მწარმოებლის პროდუქცია.

HITACHI-ის მაცივრები ექსკლუზიური ტექნოლოგიებითა და მრავალფეროვანი სათავსოებით გამოირჩევა, რომელთაგან თითოელი გარკვეული პროდუქტის შესანახად არის განკუთვნილი.

BERG – საყოფაცხოვრებო ტექნიკის ბაზარზე ერთ-ერთი გამორჩეული ბრენდია. ფირმას გერმანული ფესვები აქვს, მისი დასახელება ბერგის საჰერცოგოდან მოდის, რომელიც შუა საუკუნეებში არსებობდა.

ევროპელ და აზიურ დიდ მწარმოებლებთან თანამშრომლობით კომპანიამ შეძლო დაბალი ფასებისა და უმაღლესი ხარისხის სინთეზი შეეთავაზებინა საკუთარი მომხმარებელებისათვის, რომლის პროდუქციის შეძენის შესაძლებლობა უკვე ჩვენი ონლაინ მაღაზიაშიც შეიძლება.

ჩვენთან BERG-ის მაცივრებზე 3 წლიანი ქარხნული გარანტია მოქმედებს, რაც ამ ბრენდის უმაღლესი ხარისხის კიდევ ერთი უტყუარი ნიშანია.

HISENSE – ჩინეთში საყოფაცხოვრებო ტექნიკის წარმოებაში მოწინავე სამეულში შედის  და მსოფლიოს 175 სხვადასხვა ქვეყანაში ახორციელებს გაყიდვებს, მათ შორის საქართველოშიც.

HISENSE-ის მაცივრები ოპტიმალური ვარიანტია მათთვის, ვისაც ყოველდღიურად პროდუქტის შესაძენად მაღაზიებში სიარული არ უყვარს. ჩინური მწარმოებლის მაცივარი საკვებს დიდი ხნის განმავლობაში ინახავს და თავდაპირველ თვისებებს უნარჩუნებს მათ. HISENS-ის ტექნიკის ფასები ხელმისაწვდომია საშუალო შეძლების მომხმარებლისათვის.

ჩინური მწარმოებლის მაცივრების სასარგებლო მოცულობა შესაძლოა 192-და 289 ლიტრამდე აღწევდეს. ზოგიერთ მოდელს გადასაკიდი კარი აქვს, რაც ყოველდღიურ მოხმარებაში მათ უფრო კომპაქტურსა და მოსახერხებელს ხდის.

LIBHERR- 1954 წლიდან გერმანიაში იწარმოება. კომპანია ფასის ხარჯზე ხარისხის შემცირებას არ ცდილობს და მისი პროდუქცია ისევე როგორც 50 წლის წინ, როცა კომპანია დაარსდა, გერმანიის ქალაქ ოქსენჰაუზენში კეთდება.

LIEBHERR წელიწადში მილიონამდე მაცივარს უშვებს. მისი მოდელები სხვადასხვა ზომებით გამოირჩევიან – კომპანია აწარმოებს როგორც ვიწრო და კომპაქტურ მოწყობილობებს პატარა სამზარეულოებისთვის, ასევე მასიურ მაცივრებს, რომლებშიც დიდი ოჯახისთვის სამყოფი პროდუქტის განთავსება არის შესაძლებელი.

LIEBHERR-ის წარმოებული მაცივრების 80%-ზე მეტი ენერგოეფექტურ მოდელების A++-ის კატეგორიას განეკუთვნებიან.

INDESIT – საყოფაცხოვრებო ტექნიკის წარმოების სფეროში, შედარებით ახალი ბრენდია. ამის მიუხედავად, მან უკვე მოასწრო მსოფლიო პოპულარობის მოპოვება. “ახალი ევროპის არჩევანი”- ასე ახასიათებენ INDESIT-ის მწარმოებლები საკუთარ ტექნიკას. მისი ეფექტური, მარტივი და მოსახერხებელი კონსტრუქცია უამრავ დროს დაგიზოგავთ და მაცივრის მოხმარებას გაგიადვილებთ.

Indesit Forma – ასე ეწოდება INDESIT-ის მაცივრების ახალ ხაზს. მაცივრების კონსტრუქცია ამართლებს სახელს. ახალი მოდელების ელასტიური დიზაინი განსაკუთრებულ იერს აძლევს მათ, ხოლო კარებების “ტალღისებური” ფორმა დიზაინერული მიღწევების ერთ-ერთი უკანასკნელი სიტყვაა საყოფაცხოვრებო ტექნიკის სფეროში.

HOTPOINT ARISTON – მხოლოდ ამ ბრენდისთვის დამახასიათებელი დიზაინით გამოირჩევიან. მათ გარეგნული გაფორმება შეიძლება ასეც დახასიათდეს – ლაკონური და ფუნქციური “ჰაიტეკი”.

Hotpoint-ARISTON-ის მაცივარი სამზარეულოს ინტერიერს აბსოლუტურად გამორჩეულს გახდის. კომპანია სხვადასხვა ფერის მაცივრებს უშვებს: თეთრსა და შავს პრიალა ზედაპირით, მოვერცხლისფროსა და ანტარციტიფერს, ასევე უჟანგავი ფერისას, რომელიც შესაბამისი ლითონის მასალისგან მზადდება.

Hotpoint-ARISTON-ის მაცივრებს მსოფლიოში ცნობილი იტალიური კომპანია, ევროპაში საყოფაცხოვრებო ტექნიკის ყველაზე მსხვილი მწარმოებელი Indesit Company უშვებს. იტალიური ტექნიკის დიზაინერული ტრადიციები მსოფლიოში წამყვანი ბრენდების მისაბაძი მაგალითია, რაც იმის თქმის უფლებას გვაძლევს, რომ Hotpoint-ARISTON-ის მაცივრების თანამედროვე ინტერიერი და მათი ტექნიკური მხარე ერთიმეორეს სრულებით ჰარმონიულად ერწყმის.

SHARP – იაპონური მულტი-ნაციონალური კომპანიის ტექნიკა სხვადასხვა ფერებში გამოდის. მოწყობილობის შერჩევა თქვენი სახლის ინტერიერის ფერის მიხედვით არის შესაძლებელი. მწარმოებელი სხვადასხვა ზომისა და მახასიათებლების მოწყობილობებს უშვებს. SHARP-ი იყო პირველი კომპანია, რომელმაც მაცივრის სხვადასხვა მხარეს გადასაკიდი კარებები შექმნა. (კარების გაღება როგორ მარჯვნიდან ისე მარცხნიდან შეიძლება ისე, რომ მათი სხვა მხარეს გადატანა არ არის საჭირო).

იაპონელი მწარმოებლის მაცივრის მოდელების უმრავლესობა ისეთი ფუნქციებით არიან აღჭურვილი როგორებიცაა: ჰაერის დასუფთავებისა და იონიზაციის სისტემა, მრავალნაკადიანი გაციების სისტემა, ორმაგი ვენტილაცია და გაციების უნიკალური ჰიბრიდული სისტემა.

TOSHIBA – პროდუქტებს თავდაპირველ თვისებებს მძლავრი გამაგრილებელი Dual Cooling სისტემისა და ბაქტერიების მოსპობის ორმაგი სისტემის (Hybrid Plasma დაUV Fresh Guard) მეშვეობით უნარჩუნებს, რომელიც მაცივრიდან უსიამოვნო სუნსაც სპობს.

TOSHIBA-ს მოდელები კარგად ინახავენ უმი ხორცისა და თევზის ნაწარმს და გაუყინავ მდგომარეობაში იცავენ მას მიკრობებისაგან. იაპონელი მწარმოებლის მაცივარი განკუთვნილია იმ ადამიანებისთვის, რომლებსაც წინასწარ, ერთი კვირით ადრე, უყვართ პროდუქტის მომარაგება.

PANASONIC – იაპონური კომპანია მსოფლიოს ერთ-ერთი ყველაზე დიდი კორპორაციაა, რომელიც უამრავ სხვა ტექნიკასთან ერთად მაცივრებსაც აწარმოებს. ფირმა 1918 წელს წელს დაარსდა და სულ ცოტა ხანში საუკუნე გავა მისი დაარსებიდან.

PANASONIC-ი რამდენიმე სახის მაცივარს აწარმოებს: ორკამერიანი, სამკამერიანი და ხუთკამერიანი.

ორკამერიანი მაცივრები ერგონომიული მოდელებია და საყინულე ქვედა მხარეს არის განლაგებული.

სამკამერიანი მაცივრებს აქვთ ყველა ის ფუნქცია, რაც ორკამერიანებს პლუს კომპრესორი ციფრული ინვერტორით, რომელიც ხმის დაბალ დონესა და პროდუქტის სწრაფ გაყინვას უზრუნველყოფს.

ხუთკამერიანი მოწყობილობები A+-ის კლასის ენერგოეფექტურობით გამოირჩევიან დ ციფრული ინვერტორული კომპრესორი აქვთ, რომელიც მაცივრის ზედა ნაწილშია განთავსებული.

BLOMBERG- ფირმა გერმანიის ქალაქ ალენში 1883 წელს დაარსდა, ხოლო 2002 წელს იგი თურქულმა კომპანია Arçelik-მა შეიძინე, რომელიც ამავე დროს BEKO-ს ბრენდსაც ფლობს.

ასე ახასიათებს BLOMBERG-ს კომპანიის მთავარი დიზაინერი:”BLOMBERG-ი კლასიკური გერმანული ხარისხის ნიშანია. კომპანიამ პოპულარობა და აღიარება საიმედოობითა და უმაღლესი ხარისხის პროდუქციით მოიპოვა, რომელიც ყველასთვის გასაგებ გერმანული დიზაინით არის გადმოცემული. BLOMBERG-ი თავის თავში სიზუსტეს, სიმეტრიასა და მოხმარების სიმარტივეს მოიცავს. მაცივარს მისი გარეგნობა მომხიბვლელობასა და ემოციურ მუხტს სძენს, ხოლო ყველა ჩვენი დიზაინერული გადაწყვეტილება მომხმარებლის ინტერესებითა და მოთხოვნილებებით არის ნაკარნახები.”

DAEWOO – კორეული ფირმის მაცივრები ეკონომ კლასის მოწყობილობებს განეკუთვნებიან. ისინი საკმაოდ ტევადია და ფასიც საკმაოდ მისაღები აქვთ, თუმცა, ეს მათი ერთადერთი ღირსება არ გახლავთ.

სხ. კორეული მწარმოებლის პროდუქცია პრაქტიკული დიზაინითა და თანამედროვე ფუნქციებით არის აღჭურვილი. კომპანია აწარმოებს როგორც კომპაქტური მაცივრების მოდელებს პატარა სამზარეულოებში დასადგმელად, ისე ფართო მოცულობის მოწყობილობებს დიდი ოჯახებისთვის, რომლებსაც პროდუქტის წინასწარ მომარაგება ურჩევნიათ.

კომპანია DAEWOO ყველაზე თანამედროვე ტექნოლოგიებს იყენებს. სხ. კორეული ფირმა პირველი იყო, ვინც ეკოლოგიურად სუფთა ვერცხლის ნანო ფილტრიანი ანტიბაქტერიული მოწყობილობა დანერგა, რომელიც მუდამ ცირკულირებს და ბაქტერიებს სპობს.

LG – ყველაზე მომთხოვნი მომხმარებლის გემოვნებას დააკმაყოფილებს. მის ასორტიმენტში ისეთი მოდელები არის შესული, რომლებიც სტუდიური ბინებისთვისაც გამოდგებიან და ისეთებიც, რომლებიც დიდი სახლისთვის არის განკუთვნილი.

სხ. კორეული კომპანია თითქმის ნახევარი საუკუნეა რაც მაცივრებს აწარმოებს – პირველი მოდელები (Goldstar-ის სახელით) 1965 წელს გამოვიდნენ, ხოლო 90-იანი წლებში კომპანიის რებრენდინგი მოხდა და ახლა მსოფლიოში ერთ-ერთი ყველაზე ცნობადი ბრენდია.

ამჟამად LG-ი ორკამერიანი მაცივრების წარმოების ერთ-ერთ ლიდერად ითვლება. კომპანია სოლიდურ ორკარიან (side-by-side) და სამკარიან მოცულობით მაცივრებს უშვებს. LG-ის მაცივრებს ფერთა დიდი ასორტიმენტი აქვთ, ასე რომ მათი შერჩევა სახლის ინტერიერის მიხედვით შეიძლება.

BOSCH – მუდამ ლიდერობენ მომხმარებელთა დადებითი გამოხმაურებების რეიტინგებში, ხოლო პროფესიონალი ტექნიკის მიმომხილველები მუდამ ხაზს უსვამენ გერმანული ტექნიკის საიმედოობას, თანამედროვე ტექნოლოგიურ აღჭურვასა და ელეგანტურ დიზაინს.

როცა არჩევანს BOSCH-ის მაცივარზე აკეთებთ, თქვენ ფულს საკუთარ კომფორტში აბანდებთ და იძენთ მაცივარს, რომელიც წლების და შესაძლოა ათწლეულების განმავლობაშიც უპრობლემოდ მოგემსახურებათ.

BOSCH-ის მაცივრების ასორტიმენტი ძალიან ფართოა: კომპანია უშვებს როგორც ერთკარიან, ისე ორკარიან (side-by-side), ერთი ან ორ კომპრესორით, ცალკე მდგომსა და ჩასაშენებელ, კომპაქტური სათავსოებით აღჭურვილ პრემიუმ კლასის მოდელებს.

გერმანული კომპანიის წარმოების მდიდარი გამოცდილება და პროფესიონალიზმი ეხმარება მას მომხმარებელზე გათვლილი პროდუქცია შექმნას და კლიენტების მოსაზიდად სულაც არ სჭირდება სხვადასხვა მარკეტინგული ხრიკების გამოყენება.

HANSA – ბრენდი თანამედროვე ევროპული ტიპის ქარხნებში მზადდება, რომლის ხარისხიც ISO-ს სხვადასხვა სერთიფიკატებით დასტურდება. მაცივრების ფართო ასორტიმენტი მომხმარებელს სასურველი მოდელის შერჩევის საშუალებას აძლევს: მინი-მაცივრები აგარაკებისა და ოფისებისთვის გამოდგება, შედარებით მცირე ზომის მაცივრები პატარა სამზარეულოს ერგებიან, ხოლო “ოჯახური” ტიპის მაცივრები დიდი რაოდენობის პროდუქტის შენახვისა და გაყინვის საშუალებას იძლევიან. HANSA ჩასაშენებელ მოდელებსაც უშვებს, რაც ფართის ეკონომიის შესაძლებლობას მოგცემთ.

HANSA-ს თითქმის ყველა მოდელის მაცივარს გადასაკიდი კარი აქვს ჩამონტაჟებული. ასევე, კამერის შიდა კედლებს ანტიბაქტერიული საფარი აქვთ, რაც პროდუქტებს ბაქტერიებისგან იცავს.

ILITEK – ქართული ფირმა ILITEK-ი ერთ-ერთი წარმატებული, ინოვაციური, დინამიურად განვითარებადი კომპანიაა ელექტრო და საყოფაცხოვრებო ტექნიკის სფეროში. კომპანიის მაღალკვალიფიციური გუნდი ყოველდღიურად ცდილობს მაქსიმალურად დააკმაყოფილოს მომხმარებლის მოთხოვნები და საქართველოს ბაზარს შესთავაზოს უმაღლესი ხარისხის ტექნიკა, მისაღებ ფასად, სრული გარანტიით.

ILITEK-ის მაცივრები ხელმისაწვდომია საქართველოს ნებისმიერ ქალაქში, ნებისმიერ ტექნიკის მაღაზიასა თუ ჰიპერმარკეტში და სხვა ფირმის ბრენდებთან შედარებით ბევრად იაფი ღირს. ქართული მწარმოებლის მაცივრები თანამედროვე ტექნოლოგიების საშუალებით თქვენს ცხოვრებას უფრო მარტივსა და კომფორტულს გახდის.

ISM – კომპანია 1986 წელს თურქეთში დაფუძნდა და ძირითადად მინიბარების წარმოებაზე არის ორიენტირებული. 1995 წლისათვის კომპანია თუქრული ბაზრის ერთ-ერთ ლიდერად იქცა და დღესდღეობით მის 10%-ს იკავებს.

თანამედროვე ტექნოლოგიებმა და ხარისხმა კომპანიის მიერ წარმოებული მაცივრების პოპულარობა განსაზღვრა და დღესდღეობით ISM-ის მინიბარის მაცივრებს ისეთი ცნობილი სასტუმროების ნომრებში შეხვდებით როგორებიცაა – Marriott, Hilton, Sheraton, Radisson, Jumeirah, Accor, Holiday Inn, Crowne Plaza, Rotana და სხვა.

MOBICOOL – თანამედროვე თერმოელექტრული ავტომობილის პერსონალური მაცივრების ახალი თაობის წარმომადგენელია.

მაღალი სიმძლავრე, სატარებლად მოსახერხებელი და სიგრილის დიდხან შენარჩუნების შესაძლებლობა MOBICOOL-ს სხვა მწარმოებლებისგან გამოარჩევს. პორტატულ მაცივარს გაგრილების ორმაგი სისტემა აქვს და მისი წაღება ყველგან შეიძლება: პლიაჟზე, პიკნიკზე ან აგარაკზე.

MIDEA – კომპანიის დასახელება “MIDEA” ჩინურიდან ითარგმნება როგორც “მშვენიერი, მომხიბლავი”. დასახელება არა მარტო ფონეტიკურად არის ლამაზი, არამედ იგი ჩინური კომპანიის ბრენდს ყველაზე ზუსტად ახასიათებს. მსოფლიო ბაზარზე გასვლის შემდეგ დასახელების ტრანსფორმირება მოხდა როგორც “My Idea” (ინგლისურიდან ითარგმნება როგორც “ჩემი იდეა”).

ჰარმონიულობა – MIDEA-ს ბრენდისთვის განსაკუთრებული დატვირთვის მატარებელი ცნებაა. მის ფუნდამენტში ფირმის მთლიანი კონცეფცია არის ჩაშენებული. ჩინური მწარმოებლის მაცივრები მარავალფუნქციურობით, უმაღლესი ხარისხითა და დეხვეწილი დიზაინით გამოირჩევიან.MIDEA-ს თანამედროვე  მაცივრების მაქსიმალური ტენიანობა შესაძლოა 80%-მდე ავიდეს, რაც No Frost მაცივრებზე 50%-ით მეტია. ეს სიახლე გაუმჯობესებული გაციების, გაყინვისა და ჰაერის მიმოქცევის სიტემების ხარჯზე არის მიღწეული. MIDEA-ს კონდიციონერები ხმის დაბალი დონით გამოირჩევიან. ჰაერის თანაბარი გადანაწილების სისტემა მაშინაც კი მუშაობს, როცა მაცივარი გამორთულია და პროდუქტებს უვნებლად ინარჩუნებს.

როგორ ავირჩიოთ საყინულე, ამ კითხვას ხშირად სვამენ მომხმარებლები, რომელთაც სურთ ხილისა და ხორცის მარაგი გააკეთონ და დიდი ხნით გაყინონ. ბაზარი კი უდიდეს არჩევანს გვთავაზობს, ამიტომ გვესაჭიროება ერთგვარი გიდი, რომელიც ტექნიკის ამ სახეობაში გაგვარკვევს.

საყინულეების სახეობები

ერთ–ერთი მნიშვნელოვანი პარამეტრია სახეობა, რომელიც ორ ნაწილად იყოფა.

• ჰორიზონტალური კამერები

დიდი მოცულობა აქვს და მოსახერხებლადაა განაწილებული დანაყოფები, მაგრამ იკავებს დიდ ადგილს და ჩასაშენებელი მოდელები ცოტა მოიპოვება. 
• ვერტილური კამერები

აქვს მოდელების დიდი ასორტიმენტი, ბევრი თაროები, ტექნიკის გაბარიტებში დიდი ასორტიმენტი, მაგრამ ძვირია და გამოსაყენებელი მოცულობა ნაკლები აქვს, ვიდრე ჰორიზონტალურს.

რეკომენდაციები მოცულობის არჩევისას

ამ მხრივ რეკომენდაციის მოცემა ცოტა რთულია, რადგან თავად უნდა განსაზღვროთ რა მოცულობის საყინულე გჭირდებათ. უბრალოდ უნდა განასხვაოთ საერთო მოცულობა და საჭირო მოცულობა. პირველი აზუსტებს მთლიან სივრცეს, რომელსაც საყინულე იკავებს. მეორე მათგანი კი იმ სივრცეს, რომელშიც პროდუქტს ინახავთ.

ზომების შესახებ

მაცივარი არა მხოლოდ კარგად უნდა ასრულებდეს თავის მოვალეობას, არამედ მშვენივრად უნდა ჯდებოდეს თქვენს ინტერიერში. ვერტიკალური საყინულეების სიგრძე და სიღრმე სტანდარტულია (60×60სმ). სიმაღლე კი ვარირებს 80–110 სმ–ს შორის. ჰორიზონტალური საყინულის სიმაღლე კი ერთი და იგივეა – 85 სმ.

გაყინვის მეთოდები

როგორც წესი გვხვდება ორი სახეობის საყინულეები. გაყინვის ხელის სისტემა და ავტომატური სისტემა. პირველი მათანი ნიშნავს, რომ პერიოდულად თავად უნდა გათიშოთ, გაათავისუფლოთ პროდუქტისგან და გაალღოთ მაცივარი. მეორე მათგანი კი No Frost–ია, რომელსაც გათიშვა არ სჭირდება და ყინულის წარმოქმნის გარეშე ინახავს პროდუქტს.

საყინულის კლასი

არსებობს კიდევ ერთი კლასიფიკაცია. ეს არის კლასი და ის განსაზღვრავს შეუძლია თუ არა მაცივარს შექმნას და შეინარჩუნოს განსაზღვრული ტემპერატურა. ალბათ საყინულის კორპუსზე გინახავთ ვარსკვლავები. სწორედ ეს არის კლასის მაჩვენებელი.
• * ტემპერატურული რეჟიმია – 6° С, რომლის დროსაც პროდუქტი ინახება 1 კვირის განმავლობაში.
• ** ტემპერატურული რეჟიმია – 12° С, რომლის დროსაც პროდუქტი ინახება 1 თვის განმავლობაში.
• *** გულისხმობს რეჟიმს – 18° С. პროდუქტი ინახება 3 თვის განმავლობაში.
• **** შემთხვევაში ტემპერატურა ბევრად დაბალია, რაც საშუალებას გვაძლევს პროდუქტი შევინახოთ 1 წლამდე ვადით.

სწრაფი გაყინვის ფუნქცია

ტექნიკას ყოველთვის ვირჩევთ პარამეტრების მიხედვით. ერთ–ერთი მათგანია სწრაფი გაყინვის ფუნქცია, რომელიც ძალიან მნიშვნელოვანია, რადგან უნარჩუნებს პროდუქტს ვიტამინებსა და საკვებ ღირებულებას.

სიმძლავრე

სიმძლავრე იზომება გაყინული პროდუქტის კილოგრამების განსაზღვრით 24 საათის განმავლობაში. აქაც საყინულის შესაძლებლობები უამრავია და ვარირებს 5–25 კგ–ს შორის. არჩევანი ინდივიდუალური მოთხოვნებიდან გამომდინარე უნდა გააკეთოთ.

ელექტროენერგიის მოხმარება

გასაგებია, რომ ჩვენი საყინულე მუდმივად იქნება შეერთებული ელექტროდენზე და მუდმივად დახარჯავს გარკვეულ რაოდენობას. რა თქმა უნდა, ჩვენი ინტერესია ტექნიკამ, რაც შეიძლება ნაკლები ელექტროენერგია დახარჯოს. ამ მაჩვენებელს განსაზღვრავს საყინულეზე მითითებული ბგერები „A” –“E”. ყველაზე ეკონომიურია A და A+. თუმცა უნდა გვახსოვდეს, რომ A კლასის საყინულეებს უფრო მაღალი ფასი აქვს, ვიდრე ნაკლებად ეკონომიურ ტექნიკას.

ჩვენი ონლიან მაღაზიის მომხმარებლები ხშირად სვამენ კითხვას:

რით განსხვავდებიან No Frost და წვეთოვანი სისტემით აღჭურვილი მაცივრები ერთმანეთისგან და რომლის შეძენა სჯობს?

შევეცდებით თქვენ კითხვაზე ამომწურავი პასუხის გაგცეთ და გთავაზობთ სტატიას – No Frost-ისა და წვეთოვანი მაცივრების ურთიერთშედარება.

წვეთოვანი სისტემის მაცივრები – ამ სისტემის მოწყობილობებში ამაორთქლებელი მაცივრის უკანა ნაწილშია მოთავსებული. იგი მოწყობილობის უკანა კედელზე გაციების თანაბრად გადანაწილებას უზრუნველყოფს და წარმოქმნის კონდენსატს – წყლის წვეთებს, რომლებიც სპეციალურ კონტეინერში ნელ-ნელა ჩაედინება. მაცივრის გვერდითი კედლები მშრალად ნარჩუნდება, ხოლო კომპრესორის აქტიური მუშაობის შემთხვევაში, კონდენსატი იყინება და ყინული წარმოქმნება.

ტექნოლოგია NO FROST (ინგლ. No Frost – ყინულის გარეშე) – ამ მოდელებს განსხვავებული მუშაობის პრინციპი აქვთ. ისევე როგორც წვეთოვანში, გაციება კომპრესორისა და ამაორთქლებლის მეშვეობით ხორციელდება, თუმცა, ტემპერატურის განაწილება სპეციალური ჩამალული ვენტილატორებით ხდება, რომლებიც ჰაერის მუდმივ ცირკულაციას უზრუნველყოფენ. ამ პროცესში მაცივრის უკანა კედელი მაინც იყინება, მაგრამ ბევრად უმნიშვნელოდ, ვიდრე ეს წვეთოვან სისტემებში ხდება.

ნორმალური ექსპლუატაციის შემთხვევაში, თანამედროვე მაცივრების გალღობა წლის განმავლობაში 2-ჯერ ან 3-ჯერ არის რეკომენდირებული. ეს No Frost-ის სისტემებს არ ეხება, თუმცა, ჰიგიენური ნორმების დასაცავად და ნორმალური ფუნქციონირებისთვის, სასურველია წელიწადში ერთხელ მათი გამოწმენდა (ესეც ექსპლუატაციაზეა დამოკიდებული). ეს პროცედურა იმავე ეფექტს იძლევა, რასაც წვეთოვანი მაცივრების გალღობა.

No Frost-სა და წვეთოვანი სისტემების შედარების ცხრილი

No Frost-ისა და წვეთოვანი სიტემების დადებითი და უარყოფითი მხარეების თვალსაჩინოდ სპეციალური ცხრილის ნახვა შეიძლება:

დადებითი მხარეები

წვეთოვანი	No Frost
ხელმისაწვდომი ფასი	მაცივრების არსებულ ყველა სხვა სისტემებს შორის ყველაზე ნაკლებ მოვლას საჭიროებს
ფართო ასორტიმენტი	ტემპერატურის თანაბარი გადანაწილება
დიდი მოცულობის შიდა კამერა	როგორც მაცივრის, ისე საყინულის განყოფილებაში ერთდროული მუშაობის შესაძლებლობა
ელქტროენერგიის ეკონომიურად ხარჯვა	ტემპერატურის სწრაფად აღდგენის შესაძლებლობა
ხმადაბალი მუშაობის რეჟიმი	მაცივრის უკანა კედელზე კონდენსატის ფაქტობრივად არარსებობა

უარყოფითი მხარეები

წვეთოვანი	No Frost
წვეთოვანი სისტემა საყინულის კამერაში არ მუშაობს	No Frost-ის მაცივრები დიდი ტევადობით არ გამოირჩევიან
მაცივრის უკანა კედელზე მუდმივად წარმოიქმნება კონდენსატი, რომელიც იყინება (შემდეგ ისევ დნება)	უფრო ძვირი ღირს
არსებული ტემპერატურის აღდგენას დიდ დროს ანდომებს	მეტ ელექტროენერგიას მოიხმარს
ხშირად გალღობას საჭიროებს
მაცივრის ქვედა ნაწილში ტემპერატურა ზედა ნაწილისაგან 2-5 °C -ით შეიძლება განსხვავდებოდეს

მითები No Frost-ის მაცივრების შესახებ

No Frost მაცივრების შესახებ უამრავი ჭორი და არასწორი ინფორმაცია არის გავრცელებული. აქ რამდენიმე მათგანს განვიხილავთ:

1. 1. ჯანმრთელობისთვის მავნებელი – ამბობენ რომ No Frost სისტემა No Frost-ი დიდხანს
   ინახავს ახალ პროდუქტებსგანსაკუთრებულ ფრეონზე მუშაობს, რომელიც ჯანმრთელობისთვის მავნებელია. ეს სიმართლეს არ შეესაბამება! ამ სისტემაში ისეთივე ფრეონი გამოიყენება, როგორიც წვეთოვან მაცივრებში და სრულებით უსაფრთხოა ჯანმრთელობისთვის.
2. 2. აშრობს პროდუქტებს – ეს სანახევროდ სიმართლეა. საქმე ის არის, რომ ჰაერის მუდმივი ცირკულაცია დაჭრილი ბოსტნეულის, ხილის ან პურის მალე გამოშრობას იწვევს. დაუჭრელი პროდუქტები კი პირიქით – უფრო დიდხანს ინახება, ვიდრე წვეთოვანი სისტემის მაცივრებში.

იმედია, ეს მიმოხილვა სწორი არჩევანის გაკეთებაში დაგეხმარებათ. ჩვენს ონლაინ მაღაზიაში მაცივრების ფართო ასორტიმენტი და ფასთა მრავალფეროვნებაა. მათი დათვალიერება ქვემოთ თანდართულ ბმულებეზე შეგიძლიათ.

უფრო დეტალური ინფორმაციისთვის იხილეთ ჩვენი ონლაინ მაღაზიის მიერ შემოთავაზებული სხვა მიმოხილვები მაცივრების შესახებ

ზაფხულის მოსვლისთანავე კონდიციონერის შეძენა უფრო აქტუალური ხდება. მაღაზიები უამრავ ბრენდისა და მოდელის კონდიციონერს გვთავაზობს. ჩვენი სტატიიდან შეიტყობთ, თუ რაზე უნდა გაამახვილოთ ყურადღება კონდიციონერის შერჩევისას.

ცოტაოდენი თეორია

კონდიციონერის მუშაობა აწყობილია სითხისა და აირის თვისებებზე. სითხე აორთქლებისას სითბოს შთანთქავს, ხოლო აირი სითხის მდგომარეობაში გადასვლისას სითბოს გამოჰყოფს. კონდიციონერის მოქმედების პრინციპი ფრეონის მდგომარეობის შეცვლაზეა დაფუძნებული. ამრიგად, კონდიციონერის მუშაობისას შენობის სითბო გადადის გარე ბლოკის კონდენსატორში. მოწყობილობა არ აწარმოებს სიცივეს ან სითბოს, მას სითბო ან სიცივე ერთი მხარიდან მეოერზე გადააქვს.  

პირველი კონდიციონერი წინა საუკუნის დასაწყისსში ნიუ-ორკის ტიპოგრაფიისთვის შეიქმნა . კონდიციონერეს მაშინ სინოტივეს დასაძლევად იყენებდნენ, რაც ბეჭდვის ხარისხს მნიშვნელოვნად აფუჭებდა. გასათვალისწინებელია, რომ კონდიციონერი თავისი მუშაობის დროს ჰაერიდან სინოტივეს იღებს, რაც სხვადასხვა რესპირატორული დაავადებების გამომწვევი მიზეზი შეიძლება გახდეს. სწორედ ამიტომ მოწყობილობის დამონტაჟებისას ჰაერის საკმარის დატენიანებაზეც უნდა იზრუნოთ.

ძირითადი მახასიათებლები

კონდიციონერის ძირითადი მაჩვენებელი მის კონსტუქციასა და სიმძლავრეში გამოიხატება. კლიმატური ტექნიკა შეიძლება დაყოთ საყოფაცხოვრებო, სამრეწველო და ნახევრად სამრეწველო ტიპებად. საყოფაცხოვრებო კონდიციონერებად დაბალი ან საშუალო სიმძლავრის ( 7 kW-მდე) კონდიციონერები ითვლება. ისინი 50-80 მ² ფართობზეა გათვლილი. უფრო დიდი შენობებისთვის კი უკვე სამრეწველო კლიმატური ტექნიკა დაგჭირდებათ.

კონსტუქციის ტიპები

კონსტუქციის მიხედვით კონდიციონერები ორ ძირითად ჯგუფად იყოფა: სპლიტ- სისტემები და მონობლოკები.

სპლიტ-სისტემა

სპლიტ სისტემები კონდიციონერის ყველაზე გავრცელებული ტიპია. ის ორი ბლოკისგან: გარე და შიდა ბლოკისგან შედგება. ბლოკები ერთმანეთთან სპეციალური მილებით არიან დაკავშირებულები. მილებში ფრეონი ცირკულირებს. სპლიტ-სისტემები თავის მხრივ ქვეჯგუფებად იყოფიან: კედლის, კასეტური, კოლონური, იატაკისა და ჭერის, არხული, მულტი-სპლიტ სისტემა. თითოეულ ტიპს საკუთარი უპირატესობები გააჩნია. 

კედლის სპლიტ-სისტემა 

ყველაზე გავრცელებული და ხელმისაწვდომი კონდიციონერი. შიდა ბლოკი შენობის შიდა კედელზე მონტაჟდება, ხოლო გარე ბლოკი გარეთ ფანჯარასთან. ნებისმიერ პატარა ფართობის შენობაში შეგიძლიათ დააყენოთ- იქნება ეს ბინა, ოფისი თუ მაღაზია. ამ ტიპის კონდიციონერების სიმძლავრე (2-10 kW) საკმარისია 15 – 100 მ² ფართობისთვის. ამ ტიპის კონდიციონერებს ხშირად საყოფაცხოვრებო, უწოდებენ.

არხული სპლიტ-სისტემა (ქსელური)

ეს კლიმატური ტექნიკა დაკიდულ ჭერში მონტაჟდება და მთლიანად იმალება. გაგრილება ხდება სითბოიზოლირებულ საჰაერობის დახმარებით, რომლებიც ასევე დაკიდულ ჭერშია განთავსებული. სწორედ ამიტომ თქვენ ერთდროულად რამდენიმე ოთახის გაგრილება შეგიძლიათ. არხული კონდიციონერის ტიპიური სიმძლავრე 5-25 kW-ს შეადგენს, რაც საკმარისია ოფისის, კოტეჯის ან 4-5 ოთახიანი ბინის გასაგრილებლად. არხული კლიმატური ტექნიკის უპირატესობა ისა, რომ მას გარედან სუფტა ჰაერის მოწოდება შეუძლია, რაც შენობის სრულფასოვან ვენტილაციას ახდენს.

კასეტური სპლიტ-სისტემა

  კასეტური კონდიციონერებიც დაკიდულ ჭერში მონტაჟდება, მაგრამ არხულებისგან განსხვავებით სიცივეს ბლოკის ქვედა ნაწილით ანაწილებენ. კასეტური სპლიტ-სისტემის ქვედა ნაწილის ზომა სტანდარტულია 600×600 მმ ან 1200× 1200 მმ. ის დაფარულია დეკორატიული პანელით. ამ კლიმატური ტექნიკის უპირატესობა ჰაერის ნაკადის თანაბარი განაწილებაა.

კოლონური სპლიტ-სისტემა

გამოიყენება ისეთ შენობებში სადაც ძლიერი გაციებაა საჭირო და დიზაინის მხრივ დიდი მოთხოვნაც არ არის. კოლონური კონდიციონერები საკმაოდ მასიურები არიან და დიდ ადგილსაც იკავებენ. ამასთან ჰაერის ძლიერი ნაკადი არ მოგცემთ საშუალებას კონდიციონერის სიახლოვეს იყოთ.

ჭერ-იატაკის კონდიციონერი  

ეს არის კასეტური კონდიციონერის ალტერნატივა იმ შემთხვევაში თუ შენობაში დაკიდული ჭერი არ არის. ასეთი კონდიციონერების სიღრმე 18-25 სანტიმეტრია. ასეთი კონდიციონერები მონტაჟდება ქვემოთ კედელზე ან ჭერზე. ასეთი კონსტრუქცია ტემპერატურის თანაბარ განაწილებას უწყობს ხელს. 

მულტი-სპლიტ სისტემა

  ამ ტიპის კლიმატური ტექნიკის თავისებურება ისაა, რომ ერთ გარე ბლოკს რამდენიმე შიდა ბლოკი უერთდება. მათი რაოდენობა როგორც წესი 2-5 შეადგენს. ამასთან შიდა ბლოკები შეიძლება იყოს არამარტო სხვადასხვა სიმძლავრის, არამედ სხვადასხვა ტიპისაც. თუ კი გარე ბლოკი მწყობრიდან გამოვა, ყველა კონდიციონერი მუშაობას შეწყვეტს- ეს არის ამ სისტემის მთავარი ნაკლი. როგორც წესი მულტი-სპლიტ სისტემებს მხოლოდ მაშინ იყენებენ, თუ კი რამდენიმე გარე ბლოკის დაყენების შესაძლებლობა შეზღუდულია.

ინვერტორული კონდიციონერი

ინვერტორულ სპლიტ-სისტემებს კომპრესორის სიხშირე-მართვის ძრავა გააჩნიათ და კონდიციონერების ცალკეულ ტიპად ითვლება. ინვერტორს ცვალებადი დენი გადაყავს მუდმივში და მუდმივი კი ცვალებადში. მეორე ცვლილების დროს ძაბვა და სიხშირე იცვლება , რაც კომპრესორის ბრუნვის სიხშირის თავისუფალი რეგულირების საწინდარია და შესაბამისად სიცივისა და გაციებისაც. მოცემული ტემპერატურის მისაღწევად ინვერტორული კონდიციონერი ჩვეულებრივთან შედარებით უფრო მეტი სიმძლავრით მუშაობს (დაახლოებით 15 %-ით). მოცემული ტემპერატურის მიღწევის შემდეგ კონდიციონერის არ ჩერდება, ის დაბალ ბრუნვაზე მუშაობს და ზუსტად ინარჩუნებს აღნიშნულ ტემპერატურას. ამასთან ის უხმაუროდ მუშაობს. ჩვეულებრივი კონდიციონერი ტემპერატურის შენარჩუნებისთვის გამუდმებით ითიშება და ირთვება. ინვერტორული კი გამუდმებით მუშაობს და ამისთვის მხოლოდ აუცილებელ სიმძლავრეს იყენებს. სწორედ ამიტომ ის ელექტროენერგიას 15%- 50%-მდე ნაკლებს წვავს. ამასთან ცნობილია, რომ კომპრესორის ცვეთასა და მწყობრიდან გამოყვანას კონდიციონერის გამუდმებით ჩართვა-გამორთვა იწვევს. ინვერტორულ კონდიციონერს, რომელიც გამუდმებით მუშაობს ეს არ ემუქრება და ის ხანგრძლივი დროის განმავლობაში გამართულად მოგემსახურებათ. ინვერტორული კონდიციონერები ჩვენს საიტზე

მონობლოკური კონდიციონერები

ამ ჯგუფში ორი ტიპის მოწობილობაა: ფანჯრისა და მობილური კონდიციონერი.

ფანჯრის კონდიციონერი

ფანჯარაში ან თხელ კედელში მონტაჟდება, ისე, რომ კორპუსის უკანა ნაწილი ქუჩის მხარესაა განთავსებული. ამ ტიპის კონდიციონერების უპირატესობა მისი დაბალი ფასი და მარტივი მონტაჟია. მოწყობილობას შენობის ჰაერის მოცულობის 10-20 % გაწოვის შესაძლებლობა გააჩნია. წლების წინ კონდიციონერის ეს ტიპი პოპულარული იყო, თუმცა დღეს მასზე მოთხოვნა ნაკლებია. ფანჯრის კონდიციონერი ხმაურით მუშაობს. ამასთან მათი დამონტაჟებისას თერმოიზოლაცია ირღვევა და ზამთარში ქუჩის ცივი ჰაერი ადვილად შენობაში ადვილად აღწევს.

მობილური კონდიციონერი

ამ ტიპის კლიმატური ტექნიკის დაყენება დამოუკიდებლად შეგიძლიათ . ამ ტიპის მოწყობილობა ოთახებში გადაადგილების შესაძლებლობასაც გაძლევთ. დამონტაჟებისას სარკმელში ან კედელში თერმოიზოლირებული მილის გაყვანა მოგიწევთ. ზოგიერთი მობილური კონდიციონერი დაკომპლექტებულია ფილტრებით, იონიზატორებით. კონდიციონერის უარყოფითი მხარეებია მაღალი დონის ხმაური, საკმაოდ მაღალი ფასი და სხვა კონდიციონერბეთან შედარებით კომფორტული მიკროკლიმატის შენარჩუნების ნაკლებიშესაძლებლობა.

კონდიციონერის სიმძლავრე

კონდიციონერის სიმძლავრეზე დამოკიდებულია მისი მუშაობის ეფექტურობა. კონდიციონერის სიმძლავრის სორად გათვლა მნიშვნელოვანია, რადგან ნაკლები სიმძლავრის მოწყობილობა თავის ამოცანას ვერ გაუმკლავდება, ხოლო ძლიერი კი გამუდმებით ჩაირთვება და გაითიშება, რაც თავის მხრივ სისტემის გაცვეთას გამოიწვევს. კონდიციონერის სწორად შესარჩევად უნდა გაითვალისწინოთ შენობის თავისებურებები. 1. გადათვალეთ გაციების სიმძლავრის 1000 W შენობის თითოეულ 8-10 მ² -ზე. 2. თუ კი მზიანი შენობაა, მიღებულ შედეგს კიდევ 20-30% დაუმატეთ. 3. შენობაში არსებული ტექნიკის რაოდენობაც გაითვალისწინეთ. მაგალითისთვის ერთ კომპიუტერზე 300 W მოდის. 4. ამ მაჩვენებლებს უნდა დაუმატოთ ადამიანების რაოდენობაც. ოფისებში ერთ ადამიანზე 100 W უნდა მოიაროთ, ხოლო ისეთ ადგილებში სადაც ადამიანები ფიზიკურად შრომობენ და რესტორნებში საშუალოდ 300 W უნდა გაითვალისწინოთ.

იქიდან გამომდინარე, რომ კლიმატური ტექნიკა ამერიკული გამოგონებაა ზოგიერთი მაჩვენებელი მათი სისტემის მიხედვით ითვლება. სიმძლავრე ხშირად ითვლება BTU-ში. 1 W≈ 3,412 BTU. ცხრილში მოყვანილია ფართობისა და სიმძლავრის შეფარდება, რომლის დახმარებითაც თქვენ ადვილად შეარჩევთ სასურველ კონდიციონერს.

კონდიციონერის ძირითადი ფუნქციები

გაგრილება და გათბობა

კონდიციონერის ძირითადი ფუნქციები შენობის გაციება და გათბობაა. გათბობის რეჟიმს გარკვეული ნიუანსები ახლავს, ამიტომ მათ უფრო დეტალურად განვიხილავთ. ნებისმიერი კონდიციონერის შემთხვევაში გათბობის რეჟიმი ორიენტირებულია შემოდგა -გაზაფხულის სეზონისთვის და არა ზამთრისთვის. გათბობის რეჟიმის დაბალი საზღვარი -5°С – +5°С -მდე მერყეობს. “ თბილი კონდიციონერი” მოხმარებადი ელექტრო ენერგიაზე 3-4 ჯერ მეტ სითბოს გამოჰყობს- შესაბამისად მისი შემოდგომა-გაზაფხულზე გამოყენებას აზრი აქვს. მაგრამ უფრო დაბალი ტემპერატურის დროს ფრეონისა და კომპრესორის ზეთის ფიზიკური მახასიათებლები იცვლება . რის შედეგად სტარტის დროს კომპრესორი გაიჭედება და მისი გამოცვლა მოგიწევთ. კომპრესორმა სტარტის დროს რომც არ შეყვიტოს მუშაობა, ასეთ პირობებში მომუშავე კონდიციონერი 2-3 წელში გამოვა წყობილებიდან. იმისთვის, რომ კონდიციონერმა ზამტარშიც იმუშავოს მასში დამატებით ბლოკს აშენებენ. “ ზამთრის კომპლექტი” ან “ ყველა სეზონის ბლოკი” დრენაჟსა და კომპრესორის ნაწილებს ათბობს. ამ შემთხვევაში კონდიციონერს -15°С… -30°С-ზე შეუძლია მუშაობა. მაგრამ -20°С-ზე კონდიციონერის მოქმედება ნომინალურ მაჩვენებელთან შედარებით 3-ჯრ ეცემა. სწორედ ამიტომ უმჯობესი იქნება თუ ზამთრის პერიოდში გათბობის უფრო ეკონომიურ მეთოდს მიმართავდთ.

ვენტილაცია
  

ვენტილაციის რეჟიმი შენობაში ჰაერის თანაბარი განაწილებისთვის გამოიყენება. ამ რეჟიმში მხოლოდ შიდა ბლოკის ვენტილატორი მუშაობს, კომპრესორი კი ჩაურთველი რჩება. ამ რეჟიმის გამოყენება ზამთარში შეგიძლიათ, როდესაც თბილი ჰაერი ზემოთ გროვდება, ხოლო იატაკი ცივი რჩება.

ავტომატური რეჟიმი

ამ რეჟიმის დროს კონდიციონერი მუშაობის რეჟიმს თავისით ირჩევს და კომფორტულ ტემპერატურას ინარჩუნებს.

გამოშრობა

ამ შემთხვევაში კონდიციონერი ჰაერში სინოტივეს ამცირებს. გაგრილებას, ყოველთვის თან ახლავს ჰაერის გამოშრობა მაგრამ ამ რეჟიმში ხდება უბრალოდ ჰაერის გამოშრობა და არა ტემპერატურის დაწევა.

ჰაერის ნაკადის მიმართულება

ჰაერის ნაკადის მიმართულების რეგულირება კონდიციონერში ჟალუზების დახმარებით ხდება. მათ 5-7 ფიქსირებული მდგომარეობა გააჩნიათ. გაციების რეჟიმში ჰაერის ნაკადს ჭერის გასვრივ ამისამართებენ, ხოლო გათბობის რეჟიმში კი ის ქვემოთ არის მიმართული.

ტაიმერი

თაიმერის დახმარებით თქვენ შეგიძლიათ მიუთითოთ კონდიციონერის ჩართვისა და გამორთვის დრო. ამ სასარგებლო ფუნქციით თქვენ შეგიძლიათ დააპროგრამოთ კონდიციონერი, ჩაირთოს თქვენს სამსახურიდან დაბრუნებამდე ერთი საათით ადრე.

ღამის რეჟიმი

ამ რეჟიმის ჩართვის შემდეგ კონდიციონერი ვენტილატორის მუშაობის მინიმალურ სიჩქარეს იყენებს , ხოლო ტემპერატურას რეჟიმიდან გამომდინარე 2-3 გრადუსით წევს. 7 საათის შემდეგ ღამის რეჟიმი დრო იწურება და კონდიციონერი ითიშება.

დამონტაჟება

კონდიციონერის შეძენისას მნიშვნელოვანია გაითვალისწინოთ მისი დამონტაჯების საკითხიც. ხარისხიანი მონტაჟი კონდიციონერის გამართულად მუშაობის საწინდარია. როგორც პრაქტიკა აჩვენებს 85% -ის შემთხვევაში კონდიციონერის უხარისხო ან გაუმართავი მუშაობა მის არასწორ მონტაჟთანაა დაკავშირებული. ამიტომ ამ საკითხს დიდი ყურადღება დაუთმეთ. ჩვენ კონდიციონერებს სერვის ცენტრების კვალიფიკაციური ხელოსნები ამონტაჟებენ. მათ აქვთ ყველა საჭირო იაღარი და გამოცდილება კონდიციონერის დასამონტაჟებლად

    გსმენიათ ახალ ვიდეო ფორმატზე უცნაური სახელწოდებით 4K ან Ultra HD ? თუ დაინტერესდით ეს სტატია სწორედ თქვენთვისაა.

ისტორია

დავიწყოთ მცირე ისტორიული ექსკურსით. თავდაპირველად HD ფორმატში იგულისხმებოდა სიგნალი 1280×720 გაფართოებით. სტანდარტული სიმკვეთრის (720х480/576) ვიდეოებთან შედარებით HD ვიდეოები შთამბეჭდაობით გამოირჩევა. ამის მიუხედავად დიდი ზომის ეკრენებზე HD ფორმატიც კარგავდა სიმკვეთრეს. ინდუსტრიაში მალე გამოჩნდა Full HD ფორმატი, რომელიც გამოსახულებას 1920х1080 გაფართოებით აჩვენებდა. ასეთი გამოსახულება 2 მილიონზე მეტ პიქსელს შეიცავს. თავის დროზე Full HD ფორმატი მნიშვნელოვანი ტექნოლოგიური ნაბიჯი იყო.
თანამედროვეობა Full HD გარეშე წარმოუდგენელია. ფილმები, ვიდეოები, თამაშები ყოველ მათგანს გააჩნია Full HD ფორმატი.
ერთი შხედვით Full HD ფორმატი ყველაზე პრეტენზიულ და მომთხოვნ მომხმარებლის მოთხოვნებსაც დააკმაყოფილებდა, მაგრამ… ტელევიზორის დიაგონალის ზომები შეუჩერებლად იზრდება.

თუ კი რამდენიმე წლის წინ 40 “ ტელევიზორი უზარმაზრად ითვლებოდა, დღეს ამ დიაგონალის ტელევიზორებს მხოლოდ მცირე ზომის ოთახებში თუ დგამენ. დიდი დიაგონალის ტელევიზორებისთვის 1920х1080 გაფართოება საკმარისი არ არის. ტელევიზორთან ახლოს დაჯდომის შემთხვევაში პიქსელური სტრუქტურაც კი შეიძლება გაარჩიოთ. დღეს Full HD გაფართოება სმარტფონებსაც კი აქვთ. მათი ზომები კი თანამედროვე ტელევიზორებთან შდარებით მართლაც რომ მიკროსკოპულია. უკვე ძალიან თვალსაჩინო გახდა, რომ დიდი ზომის ეკრანებისთვის სხვა სტანდარტია საჭირო.

Ultra HD / 4К

ახალი სტანდარტი გახდა Ultra HD (იგივე UHD და UHDTV). HDTV (720p და 1080p) ფორმატის მსგავსად Ultra HD ორ ფორმატს განეკუთვნება. პირველი მათგანს 3840х2160 გაფართოება გააჩნია და მისი სახელწოდება Quad HD, 4K Ultra HD-ია. მეორე 8K Ultra HD -ი კი 7680х4320 გაფართოებისაა.
მომხმარებლების დასაბნევად 8К Ultra HD -ის იაპონიაში Super Hi-Vision-ს უწოდებენ, კინოსტუდიაში კი 2K, 4К და 8К ტერმინები დამკვიდრებულია Digital Cinema Initiatives ასოციაციის მიერ, რომლებიც კამერების გაფართოების შესაძლებლობებს აჩვენებს, და ასევე ტრადიციული კინოფირის სკანირების სტანდარტის ამსახველია.

8К პრაქტიკულად არ არის გავრცელებული და მწარმოებლები მომხმარებლებს 4К ფორმატის მქონე პროდუქციას სთავაზობენ. სწორედ ამ გაფართოებით იღებენ ყველა თანამედროვე ფილმებს და სერიალებს. 4К Ultra HD ტელევიზორები კი მომხმარებლებს მაქსიმალურად საუკეთესო ხარისხის გამოსახულებას სთავაზობენ. 4К Ultra HD -ის გაფართოების ხარისხი 4-ჯერ აღემატება Full HD-ის.
ულტრამაღალი სიმკვეთრის ვიდეო უზრუნველყოფს არა მხოლოდ მაღალ დეტალიზაციას, არამედ ფერთა ფართო დიაპაზონის გადაცემასაც 10/12 bit-იანი ფერთა სიღრმავის წყალობით. ქვემოთ მოყვანილი დიაგრამიდან კარგად ჩანს ფერთა დაფარვის დიაპაზონი.

აღსანიშნავია, რომ Ultra HD -ის კადრების სტანდარტიზირებული სიხშირე წამში 120-მდე გაიზარდა. ეს კონტენტი ჯერ არ გამოიყენება , მაგრამ მომავალში აუცილებლად წაადგება აქტიურ 3D-ს. ასევე, ამ ფორმატს 24-მდე აუდიო არხის მხარდაჭერა გააჩნია.
Ultra HD ოთხჯერ გაზრდილი გაფართოებისთვის არასაკმარისია მონაცემთა რაოდენობა . სტანდარტულისთვის სამრეწველო ფორმატი AVC/H.264 Ultra HD-სთვის ნაკლებად ეფექტურია, და საჭირო გახდა ახალი სტანდარტის HEVC- ის (High Efficiency Video Codec) H.265 კოდეკით შექმნა.

სირთულეები

როგორც ვხედავთ Ultra HD -ის მნიშვნელოვანი უპირატესობები გააჩნია, თუმცა მათი შფასება რეალურ მასალაზე უფრო უკეთესი იქნებოდა. Ultra HD-ის გავრცელება ზოგიერთ სირთულეს უკავშირდება.
• Ultra HD-ის მქონე მოდელების სიმცირე. ბაზარზე ამ ფორმატის მხარდაჭერის მქონე კომპიუტერული მონიტორების რაოდენობა მცირეა. აღსანიშნავია რომ მათი ფასები ძალიან მაღალია. სავარაუდოა , რომ მალე ფასები მნიშვნელოვნად დაიწევს როგორც ეს Full HD-ის შემთხვევაში იყო.

• 4К სიგნალის გადამცემი ციფრული ინტერფეისის განუვითარებლობა. 4К-ს გაფართოების 60 Hz -იანი სიხშირის სრულფასოვანი მხარდაჭერა მხოლოდ კომპიუტერულ ვიდეოდაფებს გააჩნიათ, რომელთაც DisplayPort ვიდეოშემავალი გააჩნიათ. სწორედ ეს სიხშირე ესაჭიროებათ გეიმერებს გამოსახულების სწრაფი გადასვლისთვის. 3D- ს მისაღებად საუკეთესო შემთხვევაში 120 Hz-ია საჭირო. ტელევიზორების შემთხვევაში კი 1.4b -ი ვერსიის HDMI შემავალით 4K Ultra HD-ის გადაცემა 24-30 კადრი/წმ სიხშირითაა შესაძლებელი, რაც მხოლოდ 2D ფილმებისთვისაა საკმარისი. აქტიური 3D-სთვის ეს მაჩვენებლები საკმარისი არ არის. 50/60 Hz 4К-სთვის რეალიზებულია HDMI 2.0 ვერსიისთვის. ბაზარზე არსებული 4К ტელევიზორებიდან ამ ტიპის შემავალით აღჭურვილი არ არის. ზოგიერთი მწარმოებელი, როგორიცაა Sony HDMI 2.0 -ის დანერგვას TV -ის პროგრამული უზრუნველყოფის განახლებით გვპირდებიან. სხვა კომპანიები კი ამაზე ჯერ-ჯერობით არ საუბრობენ.

• 4К კონტენტის სიმცირე დღეს არსებული 4К კონტენტი გავრცლებულია მხოლოდ დემონსტრაციული ვიდეო რგოლების სახით, რადგან მათი დამტკიცებული ფიზიკური მატარებელი არ არსებობს. Blu-Ray Disc Association-ი ამ ეტაპზე განიხილავს 4K მხარდაჭერის Blu-Ray დისკების შექმნის შესაძლებლობას. მათი წარმოების დაწყების შემთხვევაში ისინი ერთ წელიწადზე ადრე ვერ შემოვა. ზოგიერთმა მწარმოებლებმა BD-პლეერების 4K Ready მოდელი გამოუშვეს, რომლებიც სტანდარტული Full HD სიგნალის მასშტაბირებას Ultra HD -მდე ახდენენ. ამ საკითხში მოწინავე კომპანია Sony-ა, რომელიც საკუთარ კინოსტუდიას ფლობს. კომპანიამ თავისი 4К ტელევიზორების თანმხლები მედიაპლეერი FMP-X1 გამოუშვა. ეს მოწყობილობა, რომლის ფასი $700 -ია მხოლოდ ამერიკის ბაზრისთვისაა ხელმისაწვდომი. ფილმების ბიბლიოთეკა თავის თავში მხოლოდ ასიოდე დასახელების Sony/Columbia და მის მონათესავე სატელევიზო შოუების რელიზებით შემოიფარგლება. უკვე არსებული კინოფონდის ციფრული ვარიანტები ისედაც 4К ფორმატშია და Blu-Ray და HDTV ტრანსლაიისთვის გამოიყენება. 4К კონტენტის გავრცელებას რეალურად ხელს უშლის დამტკიცებული სტანდარტებისა და მატარებლების არარსებობა.

ამის მიუხედავად ამ სიტუაციიდან გამოსავალი არსებობს. 4K პოპულარიზაციის დიდი იმედები სათამაშო კონსოლებზეა დამყარებული, კერძოდ კი PlayStation 4-სა და Xbox One-ზე. Microsoft-მა ბუნდოვნად განაცხადა, რომ 4К გაფართოებამდე გრაფიკის დამუშავებას “ ხელს არაფერი არ უშლის”, PS4 კი თამაშების დარენდერების გაგრძელებას Full HD აპირებს და ამ სიგნალის Ultra HD- მდე მასშტაბირებას გეგმავს.

კომპიუტერულ გეიმერების საქმე გაცილებით უფრო მარტივადაა- თანამედროვე ვიდეოდაფებს უკვე აქვთ 4К თამაშების სარენდერო სიმძლავრე. ისღა დაგვრჩენია 4K DisplayPort 60 Hz ტელევიზორების მასობრივ გავრცელებას დაველოდოთ. ციფრული დისტრიბუციაში Ultra HD-ის სწრაფი გავრცელების იმედიცაა. მაგალითად YouTube-ს უკვე რამდენიმე წელია აქვს 4К- ვიდეოს მხარდაჭრა. მომხმარებლისთვის უკვე ხელმისაწვდომია კამერები და სმარტფონები რომლებიც Ultra HD -ი ფორმატის გადაღება შეუძლიათ. თანამედროვე ფოტოაპარატების ფოტოებმა კი ბევრად გადააჭარბეს 4К გაფართოებას.

ამის მიუხედავად დარწმუნებით შეგვიძლია ვივარაუდოთ , რომ ახლო მომავალში 4K კონტენტის მრავალმხრივი განვითარება არ მოხდება. Ultra HD ეკრანებზე დემონსტრირებული ვიდეო იქნება მასშტაბირებული Full HD-ი. ეს ტექნოლოგია ძალიან მარტივია. 1080р გამოსახულება მასშტაბირდება Ultra HD -მდე პიქსელების მარტივი დუბლირებით. რის შედეგად ორიგინალური გამოსახულების ერთი პიქსელი ეკრანზე 4 პიქსელს დაიკავებს (ან 9-ს 720р სიგნალის შემთხვევაში). სწორედ ამ ტექნოლოგიას მიმართავენ მწარმოებლები. გამოხმაურებებით თუ ვიმსჯელებთ Ultra HD ეკრანებზე მასშტაბირებული გამოსახულება მეტი სიმკვეთრით, მდიდარი ფერებით და მაღალი ხარისხის გამოსახულებით გამოირჩევა.

ჩვენ გთავაზობთ ელექტრო ღუმელებს, რომლებიც მივიჩნიეთ საუკეთესოდ ფასისა და მონაცემების თანაფარდობით. ღუმელი მარტივი და სწრაფი საშუალებაა, როგორც კერძის მოსამზადელად ასევე შებრაწვისათვის. ქვემოთ მოცემულია მოკლე აღწერა და ძირითადი მონაცემები. იმედია აღმოაჩენთ თქვენთვის სასარგებლო ინფორმაციას.

ტაიმერიჩართეთ ღუმელი, დააყენეთ ტაიმერი და შეგიძლიათ სხვა საქმით დაკავდეთ. ცხობის დასრულებას ხმოვანი სიგნალი შეგატყობინებთ.	რეგულირებადი თერმოსტატირეგულირებადი თერმოსტატი მოგცემთ საშუალებას შეარჩიოთ სასურველი ტემპერატურა. კერძის მოსამზადებლად ზუსტი ტემპერატურის დაყენება ეს კერძის გემრიელად მომზადების საწინდარია.	ტურბო რეჟმიგეჩქარებათ?! გინდათ სწრაფად მოამზადო საყვარელი კერძი?! – ჩართეთ ტურბო რეჟიმი და ის უფრო მალე იქნება მზად.

ღუმელი KUMTEL KF 5320

KUMTEL KF 5320

მაქსიმალური კომფორტი – მინიმალურ ფასად. დაბალი ფასის მიუხედავად კარგი მახასიათებლებით გამოირჩევა.

მახასიათებლები:

ღუმელი LUXELL 3575 INOX

LUXELL 3575 INOX

მაღალი სიმძლავრე, დიდი მოცულობა, ტურბო რეჟიმი – ეს ამ ღუმელის დადებითი თვისებების არასრული ჩამონათვალია.

მახასიათებლები:

ღუმელი LUXEL LX 3520

LUXEL LX 3520

ეს ღუმელი თავისი ხარისხითა და ფუნქციებით გაახარებს ნებისმიერ დიასახლისს. აქციეთ კერძების კეთება სასიამოვნო საქმეთ. ელექტრო ღუმელით ფრო კომფორტულად მოამზადებთ საყვარელ კერძებს.

მაცივარი საყიდლების სიას ადგენს, სარკე ეხმარება გოგოებს მაკიაჟის გაკეთებაში, ხოლო ფანჯრები გვკარნახობენ, როგორ ჩავიცვათ ამინდის შესაბამისად.

მოდით წარმოვიდგინოთ, თუ როგორი იქნება – მომავლის სახლი!

პირველივე ნაბიჯიდან ახალ სახლში თქვენ იგრძნობთ სითბოს. “ჭკვიანმა” სახლმა შიესწავლა, რომ სამშაბათობით თქვენ ბრუნდებით შვიდზე, და წინასწარ ჩართო გამათბობლები.

სახლის განათება, გათბობა, მთლიანი კომუნიკაცია, ტექნიკა იმართება სმარტფონით. თუმცა, რისთვისაა საჭირო სმაარტფონის ამოღება, როცა შეიძლება უბრალოდ თქვა: ”გააღე კარი”, “გამორთე შუქი”. სმარტ სახლი ცნობს ოჯახის წევრების ხმებს და გაარჩევს ინტონაციას- როცა თქვენ ლაპარაკობთ ერთმანეთში, და როცა მიმართავთ უშუალოდ მას.

გადავინაცვლოთ სამზარეულოში

ჩვენი მშობლების აზრით, არც თუ ისე დიდი ხნის წინ სამზარეულოში, გამოჩენილი მიკროტალღური ღუმელები და მულტსახარშები უკვე არის ტექნოლოგიური სასწაული. მაგრამ, ტექნოლოგიები ვითარდება იმდენად სწრაფად, რომ ჩვენ მომავალში, გვექნება სულ სხვა ინოვაციები.

ალბათობა, რომ ყოველ დიასახლის ეყოლება რობოტი -დამხმარე Moley ან Care-O-bot-ტიპის, არის მცირე, თუმცა, საჭმლის მომზადების და შენახვის მეთოდები რადიკალურად შეიცვლბა.

2015 წელს, წარდგენილი იყო სამზარეულოს მაგიდის პროექტი, რომელსაც შეუძლია მიხვდეს თუ რა პროდუქტი დევს მასზე, შეგატყობინოთ მისი კალორიულობა, შემოგთავაზოთ რეცეპტები შესაბამისი პროდუქტებისგან. მაგიდაში ჩამონტაჟებულია სპეციალური ინდუქციური გამაცხელებლები- თქვენ, სასურველი კერძის მომზადება პირდაპირ მაგიდაზე შეგიძლიათ.

ასეთი ტექნოლოგიის რეალიზაცია არ არის ფანტასტიკა. დღეს მსოფლიო ბაზარზე უკვე არსებობს ინტერაქტიული ღუმელები სტარტის გადადების ფუნქციით და ვიდეოკამერებით. თქვენ შეგიძლიათ აკონტროლოთ ვახშმის მომზადება გზაში, სმარტფონის ეკრანიდან.

მაცივარი გახდება უფრო კომპაქტური და “ჭკვიანი”. ორმეტრიანი კარადა არ არის პრაქტიკური პატარა სამზარეულოში (სავარაუდოდ, მოსახლეობის რაოდენობის სწრაფი ზრდის გამო, მეგაპოლისებში ბინების ფართი შემცირდება)

ჯერ კიდევ 2010 წელს, საერთაშორისო კონკურსზე, მრეწველობის დიზაინერმა მეტიუ გილბრაიდმა (Matthew Gilbride) წარადგინა მოდულარული სამზარეულოს პროექტი, სადაც თაროები გამოიყენება ერთროულად როგორც მაცივარი, ღუმელი, ან კონდიციონერი.

მაცივარი მიხედავს თქვენს კვებას. ელექტრონული სენსორები უკარნახებენ თუ რომელი პროდუქტი უკვე გაფუჭებულია, ან რომელი მთავრდება შესაბამის თაროზე. ასე რომ ყოველ ორ სამ დღეში ერთხელ თქვენ მიიღებთ სმარტფონზე საყიდებლის სიას.

თანამედროვე ადამიანს არ ექნება მაღაზიებში სიარულის დრო. ამიტომ რამდენიმე წელიწადში, ონლაინ-შოპინგი გახდება აქტუალური, და საჭირო პროდუქციას შეძენა მოხდება ერთი ღილაკის დაჭერით.

აბაზანა

ცნობილი თანამდეროვე ფუტურისტი, იან, პირსონი (Ian Pearson) თვლის, რომ 10-20 წელიწადში, აბაზანაში იქნება გაცილებით უფრო მეტი სენსორი და ინდიკატორი ვიდრე ზოგიერთ ლაბორატორიაში.

დილიდან, პატარა ხალიჩაზე დადგომით, ადამიანს შეეძლება გაიგოს თავისი წონა, სხეულის ტემპერატურა, გულისცემის რითმის სიხშირე და სხვა პარამეტრები. მოგახსენებთ, რომ დღეს უკვე იყიდება ჭკვიანი სასწორი, რომელიც სმარტფონის აპლიკაციებთან სინქრონიზაციით აკონტროლებს ორგანისმის ფიზიოლოგიურ მაჩვენებლებს.

ჭკვიანი სარკე მოგიყვებათ თქვენს ჯანმრთელობაზე და მოგცემთ რეკომენდაციებს, ტანის მოვლისთვის. რომელი მაკიაჟი უფრო გიხდებათ? როგორ დამალოთ სახის დეფექტები პუდრის ქვეშ? ასეთი სარკის პროტოტიპი უკვე წარმოადგინეს CES–2015 გამოფენაზე.

ეკოლოგიის საკითხს მიენიჭება უფრო დიდი ყურადღება. ახლა არსებობს მოწყობილობები, რომლებიც აკონტროლებს ენერგიისა და წყლის განაწილებას აბაზანაში. მომავალში, ეს პროცესები ავტომატურად განხორციელდება. თქვენ შეძლებთ მიიღოთ შხაპი და უსმინოთ რადიოს, ხოლო სისტემა წყლის ზუსტად იმ რაოდენობას მოგაწვდით , რომელიც საჭიროა ბანაობისთვის, იმ ტემპერატურის რომელიც გსურთ. ამავდროულად, წყალი არ ჩავა კანალიზაციაში. შეიქმნება ფილტრები, რომლებიც გაასუფთავებენ წყალს ისევ და ისევ, რომ შეძლოთ განმეორებით მისი გამოიყენება.

ზოგიერთი უნიტაზი, განსაკუთრებით იაპონური, უკვე ახლა ჰგავს კოსმოსურ ხომალდს. მომავალში, საპირფარეშო გახდება თქვენი პირადი პოლიკლინიკის ფილიალი, უნიტაზი ჩაატარებს ანალიზებს და თავად შეგატყობინებთ ანალიზების პასუხებს.

ოთახები

დაივიწყეთ უზარმაზარი კარადები და ფართო სავარძლები. ავეჯი იქნება კომფორტული და მრავალფუნქციური. ერთი მოძრაობით საგაზეთო მაგიდა-ტრანსფორმერი გარდაიქმნება სამზარეულოს მაგიდად, ხოლო დივანი საწოლად.

როდესაც, თქვენ კომფორტულად მოეწყობით ზალაში, ხელოვნური ინტელექტი ჩართავს შესაბამის განათებას და გაუშვებს ფილმს. საღამოს კი იზრუნებს თქვენს მშვიდ ძილზე, ჩართვას კონდიციონერს, რომ გაანიავოს ოთახი, და დახურავს ჟალუზებს.

განათება მნიშვნელოვანი ფაქტორია. სინათლის ხელოვნური წყარო ადამიანის ცირკადული რითმის შესაბამისად იმუშავებს. თუმცა, პრიორიტეტი ბუნებრივ სინათლეს მიენიჭება.

ფანჯრები ახალ სახლებში უფრო დიდი ზომის გახდება. ისინი მაქსიმალურად შემოიტანენ სინათლეს და ბუნებრივ ფერებს გარედან, ასევე მათ ექნებათ დამატებითი ფუნქციები.

Kaleva კომპანიის ფანჯრებს, MeteoGlass-ის ოპციით გააჩნიათ ამინდის ინდიკატორი. ტემპერატურა აისახება პირდაპირ ფანჯრის მინაზე.

იმისთვის რომ მიხვდეთ, დაგჭირდებათ ქუდი თუ არა, საკმარისი იქნება მხოლოდ ერთი შეხედვა ფანჯარაზე. MeteoGlass -ის ინდიკატორი ჩანს ნებისმიერ განათებაზე, ღამით მისი სიკაშკაშე მცირდება იმისთვის რომ ხელი არ შეუშალოს თქვენ ძილს.

ამ ფანჯრების მუშაობის პრინციპი საკმაოდ მარტივია. გარედან მათში ჩაშენებულია ტემპერატურის სენსორები, რომლებიც იღებენ მონაცემებს ამინდზე და ახდენენ მათ ტრანსლაციას ფანჯრის შუშაზე ვერტიკალური სვეტის სახით.

ფანჯრები ინდიკატორებით უკვე რეალობაა, მათ ამზადებს კომპანია Kaleva.

https://www.be.ge/?ukey=news_blog&blog_slug=momavlis_sakhli

დონატები ამერიკის სიამატე და ძალიან ბევრი ადამიანის საყვარელ დესერტს წარმოადგენს. დონატები უამრავი სახის არსებობს, მაგრამ რადგან ადამიანების უმრავლესობის საყვარელ ტკბილეულთა შორის შოკოლადიც პირველ ადგილზეა, გადავწყვიტეთ ეს ორი ფავორიტი გაგვეერთიანებინა და შემოგვეთავაზებინა შოკოლადის დონატების რეცეპტი.

ინგრედიენტები:

• 2/3 ჭიქა გარჩეული ფისტი 
• 1 1/2 ჩ.კ. საცხობი ფხვნილი
• 1/2 ჭიქა გამდნარი უმარილო კარაქი 
• 2 ცალი კვერცხი 
• 1/2 ჭიქა რძე 
• 1/3 ჭიქა სქელი ნაღები 
• 1 1/2 ჭიქა ფქვილი მწიკვი მარილი 
• 2/3 ჭიქა შაქარი 
• 1 ჩ.კ. ვანილის ექსტრაქტი 
• 170 გრ. შავი შოკოლადი
• 1/2 ს.კ. უმარილო კარაქი

მომზადების წესი:

წინასწარ გააცხელეთ ღუმელი 180 C-ზე. დონატების საცხობ ფორმას მოასხურეთ საცხობი სპრეი.

გარჩეული ფისტა დააბლენდერეთ (დამატებით, ცოტაოდენი ფისტა ზემოდან მოსაყრელად შეინახეთ). უნდა მიიღოთ ფისტას ნაფხვენები და არა კარაქი. თასში აურიეთ დაფხვნილი ფისტა, ფქვილი, საცხობი ფხვნილი და მარილი.

დიდ თასში ათქვიფეთ ½ ჭიქა გამდნარი უმარლო კარაქი და შაქარი კარგად შერევამდე. დაუმატეთ მშრალ ინგრედიენტებს. შეურიეთ კვერცხი და კარგად ათქვიფეთ. დაუმატეთ ვანილის ექსტრაქტი, შემდეგ რძე და თქვიფეთ გლუვი ცომის მიღებამდე. კოვზის დახმარებით ცომი დონატების ფორმებში გადაიტანეთ ისე, რომ ფორმის ¾ აივსოს. აცხვეთ დონატები 15–17 წუთით, მსუბუქად გადაბრაწვამდე. გამოიღეთ და გააგრილეთ. როდესაც გაგრილდება, თითოეული დონატი შოკოლადის განაშში ჩააწეთ და მოაყარეთ დაჭრილი ფისტა. მიირთვით მომზადებისთანავე.

შოკოლადის განაში: მაღალი ხარისხის დაჭრილი შავი შოკოლადი თასში მოათავსეთ. დაბალ ტემპერატურაზე ქვაბში გააცხელეთ ნაღები კიდეებზე ბუშტუკების გამოჩენამდე. მოასხით ნაღები შოკოლადს და 30 წამით გააჩერეთ, შემდეგ ერთგვაროვანი მასის მიღებამდე გამუდმებით ურიეთ. დაუმატეთ ½ ს/კ კარაქი და ურიეთ. განაში დონატებისათვის მზად არის! გემრიელად მიირთვით!

გოგრა ერთ-ერთი ყველაზე სასარგებლო ბოსტნეულია. თუ გოგრას რეგულარულად გამოვიყენებთ საკვებად, ეს დიდად შეუწყობს ხელს თითქმის ყველა შინაგანი ორგანოს ნორმალურ ფუნქციონირებას. გოგრა შეიცავს ისეთ მიკროელემენტებს, როგორიცაა კალიუმი, მაგნიუმი, კობალტი, თუთია და რკინა. ამას ემატება უამრავი ვიტამინი – А, Е, С, D, F, PP, T, B. 

გარდა ამისა, ეს ბოსტნეული დაბალკალორიულია, – 100 გრამ პროდუქტზე 22 კკალ. – რაც განსაკუთრებით საინტერესოს ხდის მას წონაში დაკლების მსურველთათვის. ამ პროდუქტში არის ასევე ბეტა-კაროტინი, ასკორბინის მჟავა, თიამინი, რიბოფლავინი და ბოჭკოვანა. იმის გამო, რომ გოგრა ერთ-ერთი ყველაზე სასარგებლო პროდუქტია, გადავწყვიტეთ გასწავლოთ მისი უგემრიელესი წვნიანის მომზადება.

ინგრედიენტები:

• გაფცქვნილი, გარჩეული გოგრა – 850-900 გ
• კარტოფილი -1 ცალი, მოზრდილი
• ხახვი – 1 დიდი თავი
• ნიორი-2 კბილი
• ბეკონი – 3-4 ფირფიტა
• გოგრის თესლები – 1 მუჭა
• წითელი წიწაკა (ჩილი ან ბულგარული) – ½ ან 1 მთლიანი, ზომის მიხედვით
• პამიდორი – 1 ცალი (ან 1 კოვზი ტომატ-პასტა, ცოტა წყალშ გახსნილი)
• ზეითუნის ზეთი
• მარილი
• შავი პილპილი

სასჭირო ხელსაწყოები:

• ბლენდერი ან სამზარეულოს კომბაინი 
• ქვაბი 
• მჭრელი დანა 
• გაზქურა

მომზადების წესი:

წვრილად დაჭრილი ხახვი და ნიორი მსუბუქად შევბრაწოთ დაჭრილ ბეკონთან ერთად. დავამატოთ წიწაკაც.

რამდენიმე წუთში ჩავამატოთ კუბებად დაჭრილი გოგრა და კარტოფილი, დავასხათ წყალი, ისე რომ ბოსტნეულს არ ფარავდეს (დაახლოებით 700-800 მლ) თუ ტომატ პასტას დავამატებთ, შეგვიძლია ამ ეტაპზევე დავამატოთ, ხოლო პამიდორი ხარშვის ბოლოს, ცოტა ხნით ადრე, დაჭრილი და თესლებგამოცლილი. როცა გოგრა და კარტოფილი დარბილდება, სუპი მზადაა.

დავაბლენდეროთ და დავამატოთ ცოტა მუსკატი, გახეხილი, მარილი და ახალდაფქული შავი პილპილი. თეფშზე გადმოღებისას დავამატოთ მოხალული გოგრის გულები.

სასურველია წვნიანს დავურთოთ არომატული კრუტონები – ღუმელში დაბრაწული პურის ნაჭრები ზეითუნის ზეთით, ნივრის, წიწაკის და ქონდრის(ან ორეგანოს) არომატით