ცივ ამინდში განსაკუთრებით გემრიელია ცხელი ბლინები გამდნარ შოკოლადთან და ბანანთან ერთად. არომატული, მსუყე და მარტივად მოსამზადებელი. ასე რომ თუ ზამთრის საღამოს რამე გემრიელი მოგინდათ, ამ რეცეპტით იხელმძღვანელეთ.
შემადგენლობა:
• 2-3 ცალი კვერცხი • ნახევარი ჭიქა რძე • 1-2 ს.კ ფქვილი • 1 ჩ.კ ზეთი • მარილი გემოვნებით • შოკოლადის კარაქი • 2 ცალი დაჭრილი ბანანი
მომზადების წესი:
კვერცხი კარგად ავთქვფოთ, დავუმატოთ რძე, მარილი, ფქვილი და ყველაფერი კარგად ავთქვფოთ. დავასხათ ცხელ, ცხიმ წასმულ ტაფაზე და გამოვაცხოთ ნელ ცეცხლზე. ბლინებს წავუსვათ შოკოლადის კარაქი და მოვაყაროთ დაჭრილი ბანანი, შემდგომ ისევ გადავუსვათ შოკოლადი და გადავახვიოთ რულეტივით.
ღორის კანჭი საქართველოში საკმაოდ პოპულარული გახდა. იმდენად, რომ რესტორნებიდან უკვე სამზარეულოში გადაინაცვლა და ბევრი მის ოჯახში მომზადებასაც სიამოვნებით შეეჭიდებოდა. მით უმეტეს, რომ წინ საახალწლო დღესასწაულები გველის და ჩვენი საყვარელი, ტრადიციული ქართული კერძების გვერდით, მრავალფეროვნებისთვის რაიმე განსხვავებულსაც ვისურვებდით. ჰოდა, კანჭის შეწვა იდეალური იქნება, მას შემდეგ რაც 31 დეკემბრის ღამე გადაივლის და საცივისა და ტოლმისგან დაღლილებს რაიმე განსხვავებული მოგვინდება. სწორედ ამიტომ გადავწყვიტეთ საახალწლო რეცეპტები გაგიზიაროთ და ყველანაირად შეგიწყოთ ხელი მის მომზადებაში.
მაშ ასე, თქვენ დაგჭირდებათ:
• 3-4 კანჭი • 3-4 კბილი ნიორი • მარილი, პილპილი • 250 მლ ლუდი • 8-2, საშუალო ზომის კარტოფილი
კანჭი გარეცხეთ და შეაშრეთ. კანი მჭრელი დანით რომბისებურად დასერეთ.
მარილი, პილპილი და დაკეპილი ნიორი ერთმანეთში აურიეთ და კანჭებს ყველა მხრიდან შეაზილეთ.
დადეთ კანჭი ცეცხლგამძლე ფორმაზე და ღუმელი 180 გრადუსზე გაახურეთ. კანჭები დაახლოებით 2.5 საათით შედგით ღუმელში. ამ დროის განმავლობაში რამდენჯერმე გადააბრუნეთ და თავისივე წვენი და ლუდი მოასხით.
ღუმელში შედებიდან დაახლოებით 1.5 საათის შემდეგ კარტოფილი გარეცხეთ, შუაზე ან ოთხად გაჭერით, მარილი და პილპილი მოაყარეთ, კანჭებს შორის გაანაწილეთ და კიდევ დაახლოებით ერთი საათი დატოვეთ ღუმელში.
ლუდის მთელი რაოდენობა კარტოფილის დამატებამდე გამოიყენეთ. კარტოფილი კი ერთხელ გადააბრუნეთ, რომ არ მიიწვას.
მზა კანჭები და კარტოფილი ფორმიდან ამოიღეთ, ფორმაში დამდგარი წვენი საცერში გაატარეთ და ხორცს და კარტოფილს მოასხით.
სუფრაზე მიიტანეთ სოსისებთან და წნილთან ერთად. გემრიელად მიირთვით!
დღეისათვის მწამროებლები ბინების გასათბობად გამათბობლების უდიდეს ასორტიმენტს გვთავაზობენ, რომლებიც ეფექტურობით ცენტრალურ გათბობასაც კი არ ჩამოუვარდებიან. ისინი ეფქტურობის მაღალი კოეფიციენტით და მშვენიერი იერსახით გამოირჩევა და შეიძლება დამონტაჟდეს როგორც დიდ, ისე პატარა ბინებში. მოდით განვიხილოთ გამათბობლების სახეობები, პლიუსები და მინუსები.
გაზის კონვექტორი
ეს გამათბობელი ძალიან ჰგავს რადიატორს. სწორედ ამ მიზეზით მას ფანჯარასთან აყენებენ. თუმცა ეს სრულიადაც არ არის აუცილებელი. უფრო მნიშვნელოვანია ბინაში ისეთი ადგილი მოძებნოთ, სადაც ადვილად მიიყვანთ გაზს და საიდანაც ადვილი გამოსაყვანი იქნება მილი, ნამწვის გასაწოვად.
კონსტრუქცია საკმაოდ მარტივია. ეს დიდი კორპუსი, რომელშიც ჩამონტაჟებულია წვის კამერა. მათ შორის დარჩენილ ადგილზე ხდება ჰაერის გათბობა, შემდეგ სითბოს ენერგიას ღუმელი გადასცემს მეტალის კორპუსის საშუალებით გარემოს. ასეთი ღუმელები აღჭურვილია მართვისა და უსაფრთხოების ბლოკებით.
რაში მდგომარეობს მათი განსაკუთრებულობა?
• პირველ რიგში კონვერტორი მუშაობს ავტომატურ რეჟიმში, ტემპერატურა შეიძლება შეიცვალოს 13-დან 38 გრადუსამდე. ამასთან მეტალის კორპუსის ტემპერატურა 60 გრადუსზე მეტს არ სცდება. ეს არის ბავშვებისთვის უსაფრთხო რეჟიმი, რადგან მისგან დაწვა შეუძლებელია.
• მეორეც, მითიტებული ტემპერატურის მიღწევის შემდეგ, გაზის მიწოდება მცირდება, რაც ძალიან ეკონომიურია.
• მესამეც, თუ გაზის წნევა უცებ დაეცა ან გაითიშა, მოწყობილობა ავტომატურად ითიშება. სწორედ ამ ფაქტორებმა და მისაღებმა ფასმა მოწყობილობა ძალიან პოპულარული გახადა. რას უნდა მივაქციოთ ყურადღება გამათბობელის არჩევისას?
პირველი და ყველაზე მნიშვნელოვანი – სიმძლავრეა.
ამასთან უნდა გაითვალისწინოთ გასათბობი ოთახის ან ბინის ფართობიც. სტანდარტულად 1KW ათბობს 1 კვ.მ-ს. ითვალისწინებენ ჭერის სიმაღლესაც – ის არ უნდა აღემატებოდეს 3 მ. სპეციალისტები გვირჩევენ ავირჩიოთ გამათბობელი დამატებითი დანაკარგების გათვალისწინებით, რაც გარდაუვალია ყველაზე თანამედროვე სახლებშიც კი. ასეთი მიდგომა იმ შეთხვევაში ამართლებს, თუ გამათბობელი სითბოს ძირითადი წყარო იქნება თქვენს სახლში. თუ ის დამატებითი სითბოს წყაროსთვის უნდა გამოიყენოთ, უფრო ნაკლები სიმძლავრის აგრეგატი შეიძინეთ.
მეორე, რასაც ყურადღება უნდა მიაქციოთ ეს გათბობის სახეა და ორგვარი არსებობს – პირდაპირი და ირიბი.
• პიველ შემთხვევაში გამათბობელი ჟანგბადს ოთახიდან იღებს. აქვე ტრიალებს ნამწვი. ასეთი გამათბობელის შერჩევისას ყურადღება მიაქციეთ, რომ მას კარგი სავენტილაციო სისტემა ჰქონდეს.
• მეორე შემთხვევაში ნამწვი გარეთ გადის, როგორც წესი ტრადიციული მილით. ასეთი გამათბებელისთვის კოაქსილის მილი ზედ გამოჭრილია. ის არა მხოლოდ ნამწვს გაიტანს, არამედ შიგნითაც შემოიტანს სუფთა ჰაერს. ამ ყველაფერს იმასაც დავამატებთ, რომ მნიშვნელოვანია დამონტაჟებისა და აირთან მიერთების სიმარტივე და ექსპლოატაციის უსაფრთხოება. თავისთავად, თავად კონსტრუქციაც მყარი უნდ იყოს. ამიტომ გაზის გამათბობელის შერჩევის დროს, ყურადღება ყველა ნიუანსს მიაქციეთ.